Ɉaan 10:31 - Yálá laawoo hɛɓɛ (dc)

³¹ Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Yálá laawoo hɛɓɛ

³¹ Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Bible

³¹ Zûu-ŋai dí ŋɔ́nɔ kɔni sìɣe a gɛɛ dí zɔ̀ɔ.

Ɉaan 10:31 Referans Kwoze

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Ɉaan 5:18

Nwooi tii mąą mɛ̨nį ɓa, Ɉuifəɠaa di kɛi Jesus paa pələ kwɛli. Mąąhɔlɔɓo, hvo lɛɛ lɔ a vįitɔɔ yələ mąą kala mɛ̨nį, kɛlaa, ə kɛi nwɔ̨nɔ̨ Yálá kɛ a Ną́n, ɛlɛɛ, yɛ kɛ, da Yálá di pɛliɛi.

Ɉaan 11:8

Jesus nwɔ kalan nɛai di mo mą diɛ mą: «Mąąkwɛli kɛmun, ɉu hvo kwɛa li, Ɉuifəɠaa di kɛ bɔ di ə́ hɔɔ a kwɛni, ə́ haa; ya ɓə yɛ diɛ: Ə́ kaa pənəi ə́ li laa?»

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Lɛɛ gbɔwɔ ɓa 17:4

Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 12:14

Di kulaa, Farisiɛ̨ɠaa də li, di di nwun dɔɔ, bələi mąąnɛ̨ɛ̨ di Jesus hon na di baa, diɛ bələ kwɛli.

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 10:24

Ɉuifəɠaa di mąątinɛn, diɛ mą: «Akɛti, ə́ kaa pai ku lɛɛi kwəi pili mąą hu, hvo kɛ li mįnɛ̨ lɔwai hvo ku kulɔ ɉu? Akɛ, Nwun mąąɓomun Yálá ə naakwɛlanmo ya ɓaa a yɛ́, ə́ laa tee kpɔ ma, ə́ mo kuɔ.»

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»