Ɉaan 10:2 - Yálá laawoo hɛɓɛ (dc)

² Kɛlaa, nui a lɔ gala laaləi pələ, mɛlaaɠaa mɛ̨nį kaa mun ni.

Yálá laawoo hɛɓɛ

² Kɛlaa, nui a lɔ gala laaləi pələ, mɛlaaɠaa mɛ̨nį kaa mun ni.

Bible

² Kɛ́lɛ, ǹúui nyii a lɔ̀ a góraŋ lá-ƃerei-perei, gáa a m̀ála mɛi-kaa-nuui.

Ɉaan 10:2 Referans Kwoze

Ɉaan 10:14

Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Mąątɛ̨nɛ̨ 23:1

Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Zakari 11:5

Di ɲąąkɔnmun hva di ɲɛ̨imąąwɛli lɔpee kaa. Di yamun a di paa hva di mąąliihɛlɛn ɉee, di lɔwɔtɔɔmun, a di lɔwɔ́tɔɔ yɛ kɛ diɛ: Yai-Laa mąmą, ŋą́ą́ kɛ a hɛn nąmu!

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Mise 5:5

Di kaa pai Asiri ɲąąkɔn ɉii a kɔ́ kɔ́ ɓɔwa, diɛ Nɛmrɔdə nwɔ lɔi ɲąąkɔn a ɓɔwa kwɛa, kɛlaa nwɛi, gaa pai ku kulɔi Asiri yəi; yili a tɔɔ yɛ pili ku wɔ lɔi hu, yɛ gɔwɔ ɓɔlɔn ku ɲɛ̨n ɉu.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»