Ɉaan 10:18 - Yálá laawoo hɛɓɛ (dc)

¹⁸ Nu ta hva pɛli hvo nwɔ́ yɛnɛ̨ɛ̨ kulɔ ɲéi, ɲą́ą́ ɓə gbɔ́ɔ́ kwɛlɛ. Ŋą́ pɛli ŋį́ gwɛlɛ, ŋą pɛli nwɔ̨nɔ̨ ŋį́ ɉəɠə. Ŋą́ ɉuwalawala yili hɔlɔɓo ną́n ɲei.»

Yálá laawoo hɛɓɛ

¹⁸ Nu ta hva pɛli hvo nwɔ́ yɛnɛ̨ɛ̨ kulɔ ɲéi, ɲą́ą́ ɓə gbɔ́ɔ́ kwɛlɛ. Ŋą́ pɛli ŋį́ gwɛlɛ, ŋą pɛli nwɔ̨nɔ̨ ŋį́ ɉəɠə. Ŋą́ ɉuwalawala yili hɔlɔɓo ną́n ɲei.»

Bible

¹⁸ Núu da fa pɔ̂ri gulâi ńyêei. Kɛ́lɛ, ŋa dɛ̀ɛ ŋ́gbɔɔi-yee ma. Wala-wala káa ńyêei a gɛɛ ŋa dɛ́ɛ la, wala-wala kɛ́ ƃo ŋɔ́nɔ ńyêei a gɛɛ ŋa zɔlɔ ƃo; dɔ̂ŋ ŋi ƃe ŋa gula Ńâŋ yêei.”

Ɉaan 10:18 Referans Kwoze

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Ɉaan 10:17

«Nwɛ́li kaa ną́n ma; mąąhɔlɔɓo, ŋą pɛli ŋį́ háá gbɔ́ɔ́ ɓa, ŋį́ pənə ŋį́ kɛ a vúlú.

Ɉaan 14:31

Kɛlaa, gaa pai, ə gɛ, yɛnɛ̨ɛ̨ nuą di gɔlɔn diɛ Ną́n Yálá wɛli kaa mą́ą́, ə lɛɛ, yii lɔpee aa mo mą́ą́, ya ɓə ŋį́ gɛ. Ka həɠə gwə li.»

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.