Ɉaan 10:14 - Yálá laawoo hɛɓɛ (dc)

¹⁴ Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Yálá laawoo hɛɓɛ

¹⁴ Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Bible

¹⁴ Ŋ́gaa a m̀ála mɛi-kaa-nuu lɛ́lɛɛi; ŋá ḿbɔɔ kɔ́lɔŋ, ǹyaŋ ḿbɔɔ kɛ́ ƃo a ŋ́gɔlɔŋɔɔ,

Ɉaan 10:14 Referans Kwoze

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

M̀ɛni-lɛɛi 2:19

Ŋą́ ə́ kɛ-mɛ̨nįɠaa kɔ́lɔn, ə́ wɔ wɛlikɛmąą laa, ə́ wɔ laa na laa, tíi yá mo, ɛlɛɛ, da ə́ wɔɔ hvaŋąlɔlaa; ə́ kɛ-mɛ̨nį gbɛlamąąɠaa yee tɛɛi dɔlɔɔɠaa diɛ.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

M̀ɛni-lɛɛi 3:15

Ŋą́ ə́ kɛ-mɛ̨nįɠaa kɔ́lɔn, hvó laɠi lii, hvó nwɔ̨nɔ̨ hulɔ li. Ə́ kaa lɔ tii, hvó laɠi lii, hvó hulɔ lii!

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Nahumə 1:7

Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Ɉaan 10:13

A gɛ tii, mąąhɔlɔɓo, ə pa lɔ wali kwɛlii, ə lɛɛ, mɛlaaɠaa mąą liihɛlɛn və mą. Ɲą́ą́ ɓə gáá a mɛlaa mɛ̨i kaa mun neelee.