Biblia Todo Logo
Bib sou entènèt

- Piblisite -




Ɉaan 10:11 - Yálá laawoo hɛɓɛ (dc)

11 «Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Gade chapit la Kopi

Yálá laawoo hɛɓɛ

11 «Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Gade chapit la Kopi

Bible

11 Ńyãa ƃa m̀ála mɛi-kaa-nuu lɛ́lɛɛi. M̀ála mɛi-kaa-nuu lɛ́lɛɛi a ŋɔfúlu-laai tɛ̀ɛ m̀ála-ŋai mɛni ma.

Gade chapit la Kopi




Ɉaan 10:11
25 Referans Kwoze  

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.


Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.


Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»


Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.


Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.


Malakai ŋɛ̨i gɛɛ kala nɔi, gaai Davidə ə mo, ə mo Yai-Laa ɓa, yɛ mą: «Ɲą́ą́ ɓə nɛ̨ŋɛ̨n ɉəɠə, ɲą́ą́ ɓə túwɔ́ pələ ɲɔ̨n gulɔ; kɛlaa, mąąwɛli nuą ŋɛ̨i, di wɔ nąą ɓaa lə? Ɲą́ą́ kwa nwɔ́ pɛlɛ́i mu nuą ɓə mąąnɛ̨ɛ̨ ə́ ə́ ɲɛ̨i ɲɔ̨nwɔ̨ɔ̨ hee kuɔ.»


Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,


Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.


Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.


Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.


Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.


Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»


Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.


Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.


Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.


Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.


'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.


«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?


Kɛlaa, nui a lɔ gala laaləi pələ, mɛlaaɠaa mɛ̨nį kaa mun ni.


Swiv nou:

Piblisite


Piblisite