Ɉaan 1:42 - Yálá laawoo hɛɓɛ (dc)

⁴² Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Yálá laawoo hɛɓɛ

⁴² Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Bible

⁴² E pà la Zîsɛ pɔ. Zîsɛ e gàa e m̀o ma, “Ya ƃa Samaŋ, Zɔ̂ŋ ǹóŋ? Da pâi kɛ̂i yâ Sîfa” (zu-kulai ƃa Kɔni).

Ɉaan 1:42 Referans Kwoze

Korɛntə dɔlɔɔ 15:5

Yili pulu, ə gbɔwɔ lɛ Sefasə ɓa, yili pulu, gɛla pow kɔ́w hveelɛi.

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Korɛntə dɔlɔɔ 9:5

Akɛti, mąąlaa hvo mɔ̨ɔ̨ ku yəi, ku hvo kristalon nɛ̨ąą hvilɛn ku pɔ, yɛ bələi, gɛlaɠaa takpɛliɠaa di gɛ la, a gu Nąmu kaayɔwɔɠaa da Sefasə?

Maafîu 10:2

Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Ɉaan 21:2

Simɔn Piɛrə, Tomasə yai da kɛ mą: Didimə, Natanaɛlə yai həɠə Kana Galile lɔi hu, Zebede lon ɉinąą hveelɛi da kalan nɛa hveelɛ di kɛ di kee pɔ.

Markə 3:16

Nu pow kow hveelɛ tii laa ka ŋɛ̨i: Simɔn yaai Jesus ə naa mɛ̨i hee a Piɛrə,

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Lukə 6:14

Dɔlɔɔ laa ɓa: Simɔn (yai ə nąą mɛ̨i hee a Piɛrə) da nəɠə Andre; Ɉakə da Ɉaan; Filipə da Bartelemi,

Galatə 1:18

Yili pulu, kwɛlan ɉaaɓa kulaa ɉu ɓə ŋį́ tɛ la Ɉerusalɛmə, ə gɛ, ŋį́ Sefasə kɔ́lɔn. Ŋį́ hvólo pow kɔw lɔɔli kɛ laa bɔ.

Galatə 2:11

Kɛlaa, pai Piɛrə ə mo Antiɔsə, ŋį́ haŋą mą kpɔn ɉu, mąąhɔlɔɓo, hvo mɛ̨nį lɛlɛɛ kɛ.

Tɔɔɓɛlaa veelɛ 5:4

Nwoo tii mɛ̨n Naaman ə mo, ə li ə ɉukulɔ nwɔ tɔɔmun mą, yɛ mą: «Mɛ̨nįi Israɛlə nɛ̨ɛ̨non ə mo yaa li!»

Ɉaan 4:16

Jesus yɛ mą: «'Li ə́í hilɛ təli ka yaa ka pa ɓɛ.»