Ɉaan 1:31 - Yálá laawoo hɛɓɛ (dc)

³¹ Ɲą́ą́ ŋɛ̨i və́ kpɛli kɛ gɔlɔn, kɛlaa ŋą pa tɔwɔ ŋį́ mąąwaa yai, ə gɛ, ŋą yaai tii nɛ Israɛlə nwɔ nu huwui ɓa.»

Yálá laawoo hɛɓɛ

³¹ Ɲą́ą́ ŋɛ̨i və́ kpɛli kɛ gɔlɔn, kɛlaa ŋą pa tɔwɔ ŋį́ mąąwaa yai, ə gɛ, ŋą yaai tii nɛ Israɛlə nwɔ nu huwui ɓa.»

Bible

³¹ Ńyãa kpîŋ fé kɛ́ ni a gɔ́lɔŋɔɔ, kɛ́lɛ, nyiŋi mɛni ƃe ŋá pà ŋ́gɛ batâi kɛ̀ a yá, a gɛɛ é lɛ́ Eezuɛ-ŋai dîa.”

Ɉaan 1:31 Referans Kwoze

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Ɉaan 1:33

Və́ kɛ gɔlɔn, kɛlaa Yálái ŋɛ̨i dɔ́ɔ́ ə gɛ ŋį́ mąąwaa kɛ, ə mo mą́ą́ yɛ mą́ą́: ‹Nui ə́ kaa pai Kili kaai ə yɛɛ mɛ̨i, a kɛ tii mąą nui tii ɓə pai mąąwaa kɛi a Kili-Mąąhəɠɛɛ.›

Ɉaan 1:7

Ɉaan tii ə pa, ə kɛ a gɛɛ ponoi tii mąą kɛla hvaa ɓomun, ə gɛ, nu kəlee di laa gɛɛ ponoi tii mąą mɛ̨nį la.

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Gɛlaɠaa 19:4

Polə ə pənə, yɛ diɛ: «Ɉaan ə kɛli nu hɔn mąą pənə mɛ̨nį ŋą mąąwaa kɛ a yá, yɛ kɛ nuą diɛ, mąąnɛ̨ɛ̨ di laa nui kɛli pa lɛɛi bulu yɛ pa, na, ya ɓaa a Jesus.»

Maafîu 3:13

Jesus ə həɠə Galile lɔi hu, yɛ pa Ɉaan pɔ ə gɛ, yili ə mąąwaa Ɉurdɛn hu.

Ɉaan 1:30

Ya ɓə ŋį́ kɛi mąą mɛ̨nį ɓo gɛ́ kɛ diɛ: ‹Nu ta kaa búlú yɛ pa, bɔlɔ-pɔlɔɔi dɛɛ mą́ą́, mąąhɔlɔɓo, ə wɔlɔ kɛ laa.›

Ɉaan 1:32

Ɉaan ə mo nwɔ̨nɔ̨ yɛ diɛ: «Ŋą́ Yálá nwɔ Kilii kaa yɛ yɛɛ mɛ̨i yɛ ɓopo, ə hee galan ŋą; ə lɛɛ mə̨i.