Ɉaan 1:17 - Yálá laawoo hɛɓɛ (dc)

¹⁷ Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Yálá laawoo hɛɓɛ

¹⁷ Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Bible

¹⁷ Kpɛ́ni fêi, dí dɔ̂ŋ tɛ̀ɛ Mose sârai, ƃɛlɛ-sêe da tɔ̃yâ è pà Zîsɛ Kôrai sârai.

Ɉaan 1:17 Referans Kwoze

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Ɉaan 7:19

Kɛlɛi Moisə ɓə dɔ́n ɉɛɓɛ́ tɛɛ ka pɔ ee? Yaan, ka tɔ̨nɔ̨ kpɛli hvə túwɔ́i yɛ pələi dɔ́n tii mąą liɛwoo kaa la. Lə mɛ̨nį ɓa ka káá bɔ kɛ báá?»

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Galatə 3:17

Yii gɛ́ ŋį́ mo káá, ya ka: Yálá ə mɛ̨nį ta laakwɛlanmo, ə vilɛn ginɛ̨ ɓa, kwɛlan nwun nąąn ɲeehaaɓa kulaa ɉu ɓə təɠa, dɔ́n ə paa la. Kɛlaa, dɔ́n tii hvo pa li mɛ̨nįi tii həɠəi mą, a ɉəɠə mąi, akɛtii, Yálá ŋą mɛ̨nį laakwɛlanmoɔ, mɛlɛ hva lɛɛ mą.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Gɛlaɠaa 7:38

Yaa ti lɔ ɓə nwɔ̨nɔ̨ kɛ ɲąąkpɔn gɛnɛ̨ɛ̨ hu, gu nąnni da malakai ti bələɓo mą Sinai yee nwuɔ̨, di lɔwai; yaa lɔ ɓə ɓalo hva kpɛɛ woo mɛ̨n, yɛ dɛɛ gu pɔ.

Ɉaan 5:45

Hvo kɛ ka kwəi kaa, gáá pai ka kalamąɓoi Ną́n ma, nui pai ka kalamąɓoi ya ɓaa a Moisə, yai ka ka kilitɔɔ mą.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Korɛntə veelɛ 1:20

Ɛlɛɛ, mɛ̨nįɠaa kpɔ Yálá ə naakwɛlanmo, yai tii ɓə di kɛ a «ee!» gbɔwɔ kpinį hu. Yili mąą mɛ̨nį ɓa, yaa ti ɉaalai ɓə, gwa kɛ la Yálá ɓa: «mįiną!» Yaa ti mąąwiɛ mɛ̨nį ɓa.

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Dutɛrɔnome 33:4

Dɔ́n ŋɛ̨i Moisə ə dɛɛ ku pɔ, gaa a hɛn gɔw mąą mɛ̨nį nwąnąą Ɉakɔbə lonnii diɛ!

Dutɛrɔnome 4:44

Bələ ɓə Moisə ə dɔ́n dɛɛ la Israɛlə lonnii pɔ.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»