Ɉaan 1:10 - Yálá laawoo hɛɓɛ (dc)

¹⁰ Nwoo tii ə wɔlɔ kɛ yɛnɛ̨ɛ̨, ya ɓə Yálá ə yɛnɛ̨ɛ̨ pɛli la. Kɛlaa, ə mą kɛ tii, yɛnɛ̨ɛ̨ hvo gɔlɔn ni.

Yálá laawoo hɛɓɛ

¹⁰ Nwoo tii ə wɔlɔ kɛ yɛnɛ̨ɛ̨, ya ɓə Yálá ə yɛnɛ̨ɛ̨ pɛli la. Kɛlaa, ə mą kɛ tii, yɛnɛ̨ɛ̨ hvo gɔlɔn ni.

Bible

¹⁰ È kɛ̀ ǹɔii su, ǹɔii ǹyaŋ è kpɛ̀tɛ zarâi, kɛ́lɛ, ǹɔii fé gɔ́lɔni.

Ɉaan 1:10 Referans Kwoze

Ɉaan 17:25

Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Hebreu 11:3

Laa na laa háálai ɓə, gu gɔlɔn na guɔ kɛ, Yálá ə yɛnɛ̨ɛ̨ pɛli a naa woo, hɛnŋaai kaa hvo kɛ diɛ, diɛ hvo kulɔ li, yiiɠaa kaa hvo diɛ, ɉu.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:5

Kɛɛ kaa ponoi kpinį hu, kpinį hva pɛli gɛɛ ponoi tii luwun ɉii.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Ɉaan 5:17

Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.