Bib sou entènèt

Izikiɛ 8:1 - Yálá laawoo hɛɓɛ (dc)

¹ Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Gade chapit la Kopi

Yálá laawoo hɛɓɛ

¹ Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Gade chapit la Kopi

Bible

¹ Kú kɛ́ɛ kɛ̀ gɔ-soŋ-laai su a koraŋ lɔ́ɔlu-mɛi da ŋ̀aloŋ lɔ́ɔlu mɛi-dai ŋɔfólo lɔ́ɔlu-ɣele, ŋá kɛ̀ sêei ŋápɛrɛi mu kwa Zuda nuu-pɔlɔ-ŋai. Nya ƃe Ŋ̀wála-wâla kélee Yâwɛɛi ŋɔmɔ̃lêŋ è pà ŋgbonoi.

Gade chapit la Kopi

tounen moute ⬆

Izikiɛ 8:1
24 Referans Kwoze

Izikiɛ 20:1

Gwɛlan mɛ̨ihveelɛ nwɔ ɲąnin nɔɔli naa, nwɔ hvóló pow yələ, Israɛlə kalanɉonŋaa taɠaa di pa Yai-Laa mąąnin kɛi, di hee níí la.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 14:1

Israɛlə pɛlɛ́ nąmįną taɠaa di pa bɔ́ di hee nííla.

Izikiɛ 14:4

'Mo diɛ, yɛ́ diɛ: Hééɓo kəlee Nąmu woo ka, yɛ: Israɛlə mun lɔpee a nwɔ halii laa nii pɔ, ɉɛn pai doo nɛ̨ŋɛ̨n ɉu, yɛ ɲee kąnąn mą, yili pulu, yɛ pa gwə́i mɛ̨nį hu kulɔmun bɔ, ɲą́ą́ ɓə ŋą́ mąą nu woo pulu pənə; a pa, pələi lɔ nwɔ haliɠaai da kɛ la a di tamąą, bələ lɔ ɓə ŋį́ nwoo pulu pənə la.

Gɛlaɠaa 20:33

Ɲɛ̨́i hvo kɛ kulɔ li, wali pɔ, hɛni pɔ, ə mą kɛ, nu nwɔ həɠə.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Izikiɛ 37:1

Yai-Laa yee ə yɛɛ mɛ̨́i, nwɔ Kilii ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Izikiɛ 32:17

Gwɛlan bow gɔw hveelɛnąą, ɲąnin nwɔ hvóló bow kɔ́w lɔɔli yələ, Yai-Laa ə mɛ̨nį ɓo mą́ą́, yɛ mą́ą́:

Izikiɛ 31:1

Gwɛlan bow kɔ́w tanɔ̨n nwɔ ɲąnin ɉaaɓa voló tɔlɔɔ yələ, Yai-Laa ə mɛ̨nį ɓo mą́ą́, yɛ mą́ą́:

Izikiɛ 29:17

Gwɛlan bow hveelɛ gɔw mɛ̨i hveelɛnan, ɲąnin doloo toloo ŋą hvóló toloo; Yai-Laa ə pələ ɓo mą́ą́, yɛ mą́ą́:

Izikiɛ 29:1

Gwɛlan bow, ɲąnin bow nąą nwɔ hvóló pow kɔ́w hveelɛ yələ; Yai-Laa woo ə həli mą́ą́, yɛ mą́ą́:

Izikiɛ 26:1

Gwɛlan bow gɔw taanɔ̨n nąn, ɲąnin ŋą hvóló toloo, Yai-Laa woo ə həli mą́ą́, yɛ mą́ą́:

Izikiɛ 24:1

Gwɛlan mɛ̨inąąn nąą, ɲąnin bow nąą nwɔ hvóló pow yələ, Yai-Laa ə mɛ̨nį ɓo mą́ą́, yɛ mą́ą́:

Izikiɛ 3:22

Nąąlɔwai Yai-Laa yee ə kɛ lɔ nwɔ̨nɔ̨ mɛ̨́i; yɛ mą́ą́; «'Ə́ muhəɠə, 'li, ɲɛɛkɔwɔ hu, ŋą́ mɛ̨nį ɓo laa yɛ́.»

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Izikiɛ 3:12

Nąąlɔwai Yálá nwɔ Kilii ə gbə́ŋə; ɛlɛɛ ŋą́ tomą wóó kɛnɛ̨ ta mɛ̨n búlu pələ, woo kɛnɛ̨ ta yɛ mą́ą́: «Mąąwiɛ ə kɛ Yai-Laa kɛnɛ̨ pələ ɓa ɓɛi gaa laa!»

Tɔɔɓɛlaa veelɛ 6:32

Elise ə kɛ heeni bɔɔli, nu kpɛa kpɛaa heɛ gwɛlɛ ɓɛlɔwai tɔɔmun ə nwɔ tímun dɔ̨nɔ̨ tɔɔ la bɔ. Gɛɛ tɔɔmun nwɔ kɛlai hvo həli Elise ɓa, ə gbɛa mo gwɛlɛ nuą diɛ, yɛ diɛ: «Kaa nu paa mun lon ŋɛ̨i kaa, ya ka tii aa nuą tɔɔ, ə gɛ, di pa di nwún dee. Nwɔ kɛlai tii aa həli ɓɛ, ka bɛlɛ́ laa kpulu dɔwɔ, ka nɛɛ gbon mą, ka bili la. Kɛlɛi, nwun nąmu kɔ́wɔ mu tin gaa tɔɔi bulu.»

Izikiɛ 7:27

Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Izikiɛ 8:2

Ŋį́ ɲɛ̨́i hee, ŋį́ nu kulɔmąą kaa: ɓɛi ti kɛ gulaa nəŋəi ɓai, ə həɠə laa ə yɛɛ nɔi ɓa pələ, ə kɛ a nwɔ̨n; ə həɠə nəŋəi ti ɓa ə tɛ ɲələi pələ, hɛn da ə kɛ laa yɛ lən yɛ pɛnɛ̨n galan.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.

Izikiɛ 30:20

Gwɛlan bow kɔ́w tanɔ̨n naa, ɲąnin dɔlɔɔ naa voló mɛ̨ihveelɛ yələ, Yai-laa ə hvaa bɔ́, yɛ mą́ą́:

Izikiɛ 32:1

Gwɛlan bow kɔ́w hveelɛ nwɔ ɲąnin bow kɔ́w hveelɛ nwɔ hvóló dɔlɔɔ yələ, Yai-Laa ə mɛ̨nį ɓo mą́ą́, yɛ mą́ą́:

Swiv nou:

Lyen patwone

Piblisite

Piblisite