Bib sou entènèt

Izikiɛ 7:3 - Yálá laawoo hɛɓɛ (dc)

³ Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Gade chapit la Kopi

Yálá laawoo hɛɓɛ

³ Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Gade chapit la Kopi

Bible

³ “M̀ɛnii gbɛɛ-ŋai aâ pá ká mɛ̂ni ma. Ǹyaŋ ŋa pâi ǹíi ŋwanai kâa. Ŋa pâi ká mɛni-ŋai ŋá teei yɛ̂ɛ berei kátua-pere káa lai. Ŋa pâi kákula maa kɛ̂i ká tua pere nyɔ̂ŋ ŋanaai mɛ̂ni ma.

Gade chapit la Kopi

tounen moute ⬆

Izikiɛ 7:3
27 Referans Kwoze

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 33:20

Ya ɓə ka kɛ kɛi diɛ; Yai-Laa nwɔ pələi hvo haŋą li; gáá pai ka kiti teei yɛ bələi ka tɛi tɛi ka túwɔ la, kaai a Israɛlə nwɔ pɛlɛ́i mu nuą.»

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Izikiɛ 36:19

Ŋą́ di taɠa taɠa lɔiɠaa hu, di li a diɛ nwea lɔiɠaa hu; ŋą́ di kiti tee di hɔn mąą mɛ̨nį ɓa, da di túwɔ pələ.

Izikiɛ 7:27

Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Amɔsə 8:2

Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Osia 12:3

Yai-Laa da Ɉuda di kaa kiti haɠa ɓa, yɛ Ɉakɔbə mąąni kɛ dúwɔ́ pələɠaa hu, yɛ ɉon yɛ bələi ə gwɛli la, gɛ mɛ̨nįɠaa hu.

Swiv nou:

Lyen patwone

Piblisite

Piblisite