Izikiɛ 6:4 - Yálá laawoo hɛɓɛ (dc)

⁴ Da ka hvaaiɠaa kala; di ka wɔ hali kɔ́ hɛnɲąŋąɠaai wolo wolo, gɛ́ ka wɔ nu pɔwaɠaai pu ka wɔ haliɠaai lííla.

Yálá laawoo hɛɓɛ

⁴ Da ka hvaaiɠaa kala; di ka wɔ hali kɔ́ hɛnɲąŋąɠaai wolo wolo, gɛ́ ka wɔ nu pɔwaɠaai pu ka wɔ haliɠaai lííla.

Bible

⁴ Ŋa pâi gɛ̂i káɣâla-teƃele-ŋai kélee dílɛɛ a díkpolôŋ. Kákereŋ-sɛŋ kuŋ-nɛ̃ɛ kéreŋ ɣala-teƃele-ŋai díwolo. Ǹyaŋ ŋa pâi diai da káfɛlii dí paâi káɣâla-pɔɔkɔŋ-ŋai ŋɛ́i túɛ.

Izikiɛ 6:4 Referans Kwoze

Kɔlɔnikɔ Veerɛi 14:5

Ə kɔ́ taaɠaa tɔɔ Ɉuda lɔi hu. Hvo gaai, nɔi ə kɛ liilaa hu, nui lɔpee ta hvo kɔ́ pɛlɛ mą nwɔ tɔɔlaa kwɛlanŋąą yee mu. Gbala ə tɔɔ, Yai-Laa ə hvaamą, nwəli pulu ə lɛɛ a naɠiɛɛ.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Ɉeremi 43:13

Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Tɔɔɓɛlaa dɔlɔɔ 13:2

Ə tomą ɉaláá kulɔi mɛ̨i, yɛ diɛ: «Haláá kulɔi yɛ́ ɓə! Mɛ̨nįi Yai-Laa kaa moi ə́ laa mɛ̨i, ya ka, yɛ diɛ: Lon ɉulɔnu ta kaa pai hɔlɔɓoi Davidə yəi bɛlɛ́n, diɛ kɛ mą: Ɉosiasə. Gaa pai ɉaláá laa həli nuą ŋɛ̨i ɉaliɠaa lííla, di kulɔi a haláá ɓɛ ɉaláá kulɔi. Diɛi tii kɛi lansan kələn ə́ mɛ̨i, di kaa pai nu kɔ́wɠaa kələn ɉii ə́ mɛ̨i.»

Samuɛlə dɔlɔɔ 5:4

Mąą yələ laaɓoɔ, di di muhəɠə yələ wala piinɛ̨ɛ̨, di Dagɔn kaa nwɔ̨nɔ̨ tooni Yai-Laa nwɔ mįnɛ̨ kəhii lííla. Dagɔn nwun galən da ɲee hveelɛi di yaliɛ mą, di ɓo tooni bɛlɛ́ laaləi, gbinį lɔ ɓə lɛɛ.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Ɉeremi 7:32

Yili ɓə gaa mą; Yai-Laa woo ka, yɛ diɛ: Yələ ta kaa pai ɉəlii, di hva kɛa kɛ diɛ «Tofɛtə» a wala kɛ tii «Bɛn-Hinɔmə ɓoloon», kɛlaa da kɛ mą: «Nu powa ɓoloon ɉu.» Naa ɓə di kaa pai kɛi nu powaɠaa looii laa, ɛlɛɛ la ɉu, nu looii hva kɛa kɛ mą.