Izikiɛ 6:3 - Yálá laawoo hɛɓɛ (dc)

³ 'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.

Yálá laawoo hɛɓɛ

³ 'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.

Bible

³ M̀ó dîa yɛ̂ɛi, Eezuɛ yee-ŋai, ka káwoli tɔ́ɔ Yâwɛɛ Ɣâla wóo ma nyii a môi é pîlaŋ kâai. È mò ǹyɛɛ, ǹyée kpaya-kpayai, ǹyée-ŋai da diŋ-tiŋ-ŋai dîa ǹyɛɛ ŋa pâi pâi a ƃóa-sɔkpɔ-ŋa a gɛɛ ŋá káɣâla-pɔɔkɔŋ-ŋai fɛli kwaa-ŋai kélee su kara.

Izikiɛ 6:3 Referans Kwoze

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

Izikiɛ 36:8

Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Ɉeremi 22:29

Ə́kə́ nwɔ́ lɔi! Nwɔ́ lɔi! Ə́ wəli tɔɔ Yai-Laa woo ɓa.

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 30:25

Tɛɛyá kaa pai kɛi kulɔi yee ton gwɛaa hu, da yee kpɛa-kpɛa kəlee nwuɔ̨ a gboloon gɛnɛ̨, a nu paa yələ kɛnɛ̨i, a ɲələi daa mąą kpɛ hį́iɠaa da pu la.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Mise 6:1

Mɛ̨nįi Yai-Laa kaa moi, ka ka wəli tɔɔ mą, yɛ: 'Ə́ muhəɠə, 'li ə́ kiti pɛlɛ ɲeeɠaa diɛ, yee kpu-kpuɠaa di ə́ woo mɛ̨n.