Izikiɛ 5:16 - Yálá laawoo hɛɓɛ (dc)

¹⁶ Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Yálá laawoo hɛɓɛ

¹⁶ Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Bible

¹⁶ Ŋa pâi ká ƃóŋ nîi a puru yɛ̂ɛ núu a sɛŋ da ƃòŋ a tɔ̃a-ŋa. Ǹyaŋ ŋa pâi gɛ̂i puru kɛ́tɛ é tóo kâa káfa mii-sɛŋ da kàa ká mii.

Izikiɛ 5:16 Referans Kwoze

Izikiɛ 4:16

Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Woolaa 3:12

Aa nwɔ kilɛn ɲala ɉu, aa ɲɛ̨i hee mą́ą́.

Azaya 3:1

A tɛ̨ą hɛn kpɔ a pɛli kpɔmąą tɛɛi, Ɉerusalɛmə da Ɉuda lɔi di pɔ, Nąmu Yai-Laa Mɛ̨nį Kəlee ŋą Hééɓomun kaa pai, gəlee kulɔi di yəi; yɛ ə kɛ a ya, yɛ ə kɛ a kɔ̨nɔ̨n.

Mąątɛ̨nɛ̨ 7:13

Kɛlaa, nui hvo bɔ hvo ɉɔn mąąhvalin, a ɲɛ̨i nwɛ̨ɛ̨ bɔ a yələ kəlee. Ɲowo ə mą nwɔ ɓɔwa kwɛaai ɲą́ą́li, ə mą nwɔ kilɛn ɲąątɛ yɛ ɉąŋą bɔ pələ,

Tɔɔɓɛlaa veelɛ 6:25

Daa mąątínɛ̨n di mo a kɔ́, yili ə gɛ, pulu kɛnɛ̨ kpɔ ə too Samari, yili ə kpɔlu daa nuą la, diɛ hoohvaalən nwunganin dɔ̨nɔ̨ ya a wali kwələ pow mɛ̨ihaaɓa, kɔ̨nɔ̨n gəgən ɉu hveelɛ ə ɓo a wali kwələ lɔɔli.

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Ɉeremi 52:6

Ɲąnin nwɔ hvóló mɛ̨inąąn ɲələ, pulu ə kɛ daa kwəi, hɛn nąmįną kɔ̨nɔ̨n və kɛa kɛ di yəi.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.