Izikiɛ 5:15 - Yálá laawoo hɛɓɛ (dc)

¹⁵ Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Yálá laawoo hɛɓɛ

¹⁵ Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Bible

¹⁵ “Tãi ŋa pâi ká mɛnii ŋá teêi la a lii ŋwânai, ka pâi kɛ̂i a ɣɛ́lɛ-maa sɛŋ ǹɔii kélee sáma. Ǹyaŋ ká kula-maa kɛ́ɛi a pâi kɛ̂i a mɛni kɔɔŋ maa ǹɔii-ŋûŋ-ŋai mɛ̂ni ma. Ŋa pâi m̀ɛnii ŋí kɛ̂i ǹûai kélee ŋɛ́i túɛ nyii-ŋai dítinaŋɔɔi kâai. Ńyãa ƃa Yâwɛɛ nyii mò tí.

Izikiɛ 5:15 Referans Kwoze

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Dutɛrɔnome 28:46

Yili mąą mɛ̨nįɠaa da həli kaa, ə kɛ a kpalo mɛ̨nį da kɔ́lɔn ɉɛn kaa, da ka huwuhu nuą a yələ kəlee mɛ̨nį.

Mąątɛ̨nɛ̨ 39:11

Yɛ́ hvaɠai ɲɛ̨i həɠə mą́ą́, ə́ yee pɛlɛi ə́ mo mą́ą́, ŋą́ą́ too.

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.

Ɉeremi 23:40

Ŋą́ nwumɛ̨ tɛ a kaa, ŋį́ ka ɓɛlɛ too a yələ kəlee, nąą kili hva kpɛɛ nuą ŋą.»

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Izikiɛ 5:16

Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 16:57

ə́ wɔ kili ɲɔ̨nwɔ̨ɔ̨ hvo ni kɛ kulɔ li pɔ̨nɔ̨ ŋą? Ə́ wɛi nąąlɔwai aa həli. Aramə nɛ̨ɛ̨lɛa diɛ di laa pu ə́ hu, da ə́ kwɛlɛ nɛ̨ąą kəlee, da Filisti nɛ̨ɛ̨lɛai tii ə́ kwɛlɛ diɛ tɛɛ ɓo ə́ hu.

Izikiɛ 22:4

Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Izikiɛ 23:32

Mąąhɔlɔɓo, Yai-Laa woo ka, yɛ: Ə́ liɛ nɛ̨ɛ̨nu ŋą gbąmąi, yá ɉu ya gbələ: Yai a ɉugbunŋąą hu kɛnɛ̨. Gaa pai kɛi a yɛ́lɛ́ kulɔ ɉu hɛn, diɛ di woo həɠə mą; ɉu kɛnɛ̨ pələ ɓa.

Izikiɛ 30:19

Gáá pai nwóóɠaa pɔ mɛ̨nį kɛi Eziptə lɔi mɛ̨i, nąąlɔwai da gbaɠala kaa diɛ kɛ ɲą́ą́ ɓə gáá a Yai-Laa.»

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Kɔlɔnikɔ Veerɛi 29:8

Yili ə Yai-Laa líiholi Ɉuda da Ɉerusalɛmə di pɔ; Ə nąą kɛ a kwəi pilimąą kɛɛnąą, a lɔi mąąwɛlia, diɛ mɛ̨nį kɔ́ɔn mą, diɛ yɛlɛ mą, yɛ bələi ká kaa gaai la a ká ɲɛ̨i kɔ́w.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Izikiɛ 11:9

Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.