Bib sou entènèt

Izikiɛ 5:11 - Yálá laawoo hɛɓɛ (dc)

¹¹ Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Gade chapit la Kopi

Yálá laawoo hɛɓɛ

¹¹ Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Gade chapit la Kopi

Bible

¹¹ “M̀ɛni ma, Ŋ̀wála-wâla kélee Ɣalai è mò ǹyɛɛi, ‘Tɔ̃yâ ma, tãi nɔ́ ka ŋápɛrɛ-maa waai maa tĩa kara la a ɣâla-pɔɔkɔŋ-ŋa da sâla nyɔ́mɔɔ-ŋa kulaai, ŋa pâi ǹyée kulâi ká mu. Ḿve pâi ká malôŋ kâai a dɔnɔ kpîŋ.

Gade chapit la Kopi

tounen moute ⬆

Izikiɛ 5:11
48 Referans Kwoze

Izikiɛ 7:20

Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Izikiɛ 11:18

Di kaa pai pai laa di gili kpɛɛ ɲəi mɛ̨nįɠaa da mowo mɛ̨nįɠaai tii kəlee kulɔ laa.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Hebreu 6:13

Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,

Lomaŋ 11:21

Mąąhɔlɔɓo, akɛ Yálá hvo nwɔ hin-nwului gbaɠa mąąwɛli kaa li, hvo pai ə́ mąąwɛli kaai yɛ́ kpɛli.

Lomaŋ 11:12

Akɛ di nwɔɔ hɔn ɲɔ̨n aa kɛ yɛnɛ̨ɛ̨ nąą kəlee nwɔ yéélaholoon; ɛlɛɛ, di mąąyɛɛ mɛ̨nį aa kɛ a huwu takpɛliɠaa di wɔɔ yéélaholoon; gu hvo mun kɛ, da di yee lɔ nuą nwun mąąɓo kólói hu?

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 29:15

A kɛ a lɔi ta kpɛliɠaa diɛ, ɛlɛɛ, hva kɛa tɔɔ lɔi ta kpɛliɠaa mɛ́i. Ŋą́ da kulɔ mą hvo pa kɛa hee lɔiɠaa mɛ̨i.

Izikiɛ 23:28

Mąąhɔlɔɓo mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Gáá pai ə́ tooi nuąi ti di wɛli kpɛɛ yɛ́ di yəi ɲą; a diɛ ti ə́ yowolaa kulɔi a diɛ yɛ bələi ə́ kaa la bɔi.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 32:34

Bɛlɛ́i da vɛli mu, diɛ di wɔ haliɠaa hee laa, diɛ bɛlɛ́ mąąliɓi.

Ɉeremi 10:24

Ɉútɔɔ, Yai-Laa, Kɛlaa bɛli mą́ą́; hvó gɛ a liiholi, ə gɛ hvó pa ɉú kala.

Mąątɛ̨nɛ̨ 107:39

Yili pulu, di huwu yɛ tíkpə, di yɛ yɛɛ, luwɔlaa yəi, mąąwɛlilaa, da liikələn gwəi.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Kɔlɔnikɔ Veerɛi 33:7

Ə hali mąą nįnįn haɠa yaa kpįnįi, ə dɔɔ Yai-Laa nwɔ pɛlɛ́i mu. Ya ka yaan, Yálá ə mo Davidə da non Salomɔn ɓa, yɛ diɛ: «Bɛlɛi ŋɛ̨i, da Ɉerusalɛmə taa ŋɛ̨i, ya ɓə ŋą́ą́ di ɉəɠə ɉu a nííɓa, Israɛlə lɔiɠaa lɔwai, ŋį́ náá hee mą a yələ kəlee mɛ̨nį.

Kɔlɔnikɔ Veerɛi 33:4

Ə hali kɔ́iɠaa pɛli Yai-Laa nwɔ pɛlɛ́i mu, ya pa, Yai-Laa ə kɛ bɛlɛi tii mąą mɛ̨nį ɓa: «Náá kaa pai kɛi Ɉerusalɛmə daai a yələ kəlee mɛ̨nį.»

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Levetekɔ 15:31

«'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Zôo 27:22

Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 5:7

Yili ɓə gɛi, Yai-Laa gu wɔ Yálái yɛ diɛ: ka tɛɠɛɓoɉuɔi dɛɛ nɔiɠaai ka kwɛlɛ diɛ; ka hvo lɛɛ li nwɔ́ tiɓoɠaai pulu; ka hvo nííɓa mɛ̨nįɠaa kɛ li; ka hvo mąn tɔ́wú li yɛ bələi ka kwɛlɛ lɔiɠaa da túwɔ́ la

Izikiɛ 8:15

Yɛ mą́ą́: «Hulɔnu lon, yáá nąą kaa? Ə́ kaa nwɔ̨nɔ̨ pai ɓowo mɛ̨nį ta kpɛliɠaa kaai dɛɛ yii ɓa.»

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Izikiɛ 43:8

Daa di wɔ pɛlɛ́i laaləi kulɔ, nwɔ́ pɛlɛ́i laaləi ɲɛ̨itɔwɔ, di wɔ kpon nwuluɠaai di ɓo nwɛ́iɠaai kwɛlɛ; kwa diɛni ku kpɔn ŋąą pɛlɛ́ nwąną tɔ̨nɔ̨ ɓa. Di náá mąąhəɠɛɛ mąąliɓi, a duwɔ pələ ɲɔ̨nŋaai di kɛi gulɔi; yili ɓə gɛ, gɛ́ di nwun na pili a nwɔ́ liiholi.

Swiv nou:

Lyen patwone

Piblisite

Piblisite