Izikiɛ 48:11 - Yálá laawoo hɛɓɛ (dc)

¹¹ Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Yálá laawoo hɛɓɛ

¹¹ Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Bible

¹¹ Gwaai ŋí ma a pâi kɛ̂i zâla láa-soŋ-ƃelai nyii-ŋai díkaa a Zadɔ ǹônii pɔ́ɔ nyii-ŋai tíi kɛ̀ ḿî a téniŋ ƃô pere a tãi Eezuɛ-ŋai da Liiva-ŋai kpéli-ŋai dí dípôlu tɔ̀ɔ la ḿâi.

Izikiɛ 48:11 Referans Kwoze

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 40:46

Bɛlɛ́i tii ɲɛ̨i heɛ ɲələi pələ, ɉaláá kulɔ nuąi di yee kaa ɉaláá kulɔ koló ɓa, di wɛi li, a diɛi tii Sadɔkə lonnii da Levi lonnii di lɔwai. Diɛ ɓə da lɛɠɛ Yai-Laa ɓa diɛ nwɔ kólói kɛ.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Izikiɛ 43:19

Yai-Laa woo ka, yɛ: nįŋɛ̨ hilɛ gbɔn dɛɛ ɉaláá laa həli nuą, Levi lonnii pɔ, nɛ̨ŋɛ̨n mąąhvaalɛ haláá kulɔ mɛ̨nį ɓa; diɛi di kaa Sadɔkə huwu hu, diɛ kóló kɛ mą́ą́.

Levetekɔ 8:35

Ka káá pai lɛɛi gee kaa kələ laaləi hvóló mɛ̨ihveelɛ yee mu, hvóló da kpinį, yili pulu, ka pɛli kɛa Yai-Laa nwɔ kólói kɛi. Mɛ̨nįɠaa da kɛ tii, ka hvo kɛa pai haai, bələ ɓə di dí la.»

Izikiɛ 14:11

Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Izikiɛ 45:4

Gɛɛnąąi tii a kɛ a kɛɛnąą mąąhəɠɛɛ nɔi hu, a ɉaláá laahəli nuą di wɔɔ; diɛi da kɛ kóló kɛi gɛɛnąą mąąhəɠɛɛ ɓa, diɛ lɛɠɛ Yai-Laa ɓa, diɛ nwɔ kólói kɛi. Di wɔ pɛlɛ́ɠaai tɔɔi li, da Yálá hee pɛlɛ́.

Izikiɛ 48:12

da kɛli nɔi ɲąąkwɛlɛ, da a tɛɛ di pɔ, a lɔi mąąhəɠɛɛ, nɛɠɛɛ Levi lonnii di wɔ lɔi ɓa.