Izikiɛ 47:18 - Yálá laawoo hɛɓɛ (dc)

¹⁸ Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.

Yálá laawoo hɛɓɛ

¹⁸ Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.

Bible

¹⁸ “Vóloi kulâi pere gɔyɛŋ perei è sìɣe Dɛmɛika da Auraŋ díloai é sía a Zɔdiŋ Ya-leei kóo Eezuɛ kɛ́ ƃò vóloi liî pere, Gilia kɛ́ ƃò vóloi kulâi pere. È sìɣe naa é seri Tama taa-leei mâ nyii gáa Ǹyuo saai mai. Ǹyaŋ gɔyɛŋ perei ŋí ƃé pâi kɛ̂i vóloi kulâi pere.

Izikiɛ 47:18 Referans Kwoze

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zôo 40:23

Ya kpɛa kpɛaɠaa da hvɛɛ a liiholi, kɛlaa nwɛi hva hvaa. Ɉurdɛn a pɛli ə pu na, kɛlaa hva ɲɔw.

Nwun mąąɓo 10:8

Mąą kwɛlan tii hu, di Israɛlə lonnii laanɔ̨nwɔ̨ ɓo kpɔ a mɔlɔ. Kwɛlan bow kɔ́w mɛ̨ihaaɓa yee mu, di Israɛlə lonnii kiin giin, diɛ kɛ Ɉurdɛn yá pulu pələ, Galaadə lɔi hu, Amɔrə nuą pɔɔli.

Lonon mo 32:1

Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Zɛnɛse 31:47

Laban ə gɛɛnąąi tii laa hee a: «Yegarə Sahaduta.» Ɉakɔbə ə nwɔ laa hee a dee, yɛ mą: «Galeedə.»

Zɛnɛse 31:23

Laban ə ɲəi bɛlɛ́n ɉinąą həɠə, di hvilɛn Galaadə ɲeeɠaa ɓa.

Zɛnɛse 13:11

Lɔtə ə Ɉurdɛn yá kwɛlɛ lɔi tii yəɠə ɉu, ə li ə nwɔ taai pu laa, voló həɠəi pələ. Pələ ɓə da Abramə di di ɓɛlaɓo la.

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Lonon mo 34:10

Voló həɠəi pələ ɲɛn ga: Ə həɠə Hasarə-Einan ɓa, ə həli Sefamə ɓa.

Ɉeremi 50:19

Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Izikiɛ 47:16

Hamatə, Berotai, Sivraimə, yai tii Damasə lɔi da Hamatə lɔi di lɔwai. Haserə, Tikɔn yai tii Hauran lɔi pɔ pələi.

Zooɛ 2:20

Ka yowo a həɠə ɲánwuɔ̨ pələ, ŋį́ mąą kwɛa kaa, gɛ́ bili lɔi kpoloon ɉu kpalaa hu. Di mąąkpɛɛ nuąi di tɔwɔ pələ, gɛ di pili voló həɠəi pələ gboloyá hu. Yiiɠaa di pulu pələ, gɛ di pili ɉɛɠɛi pələ gboloyá hu, di powa lulɔ kun yɛ tɛ a ɲɔ̨nwɔ̨ɔ̨, di kun yɛ ɲɔ̨n bɛlɛ nuą diɛ. Nuąi kpɔ ka di mɔ̨nɔ̨ ɓo tii, bələ ɓə da haa la.» A tɛ̨ą Yai-Laa aa mɛ̨nį ɲɛ̨i kɛnɛ̨ɠaa kɛ.