Izikiɛ 47:14 - Yálá laawoo hɛɓɛ (dc)

¹⁴ Ka káá pai ɲąąkwɛlɛi, yɛ pɛli a gee ka kəlee ka yəi; mąąhɔlɔɓo, ŋą́ gwɛ́la, gɛ́ ŋą́ dɛɛ ka nąnni pɔ; nɔi ŋɛ̨i kaa kɛa a ka kwɛlin.

Yálá laawoo hɛɓɛ

¹⁴ Ka káá pai ɲąąkwɛlɛi, yɛ pɛli a gee ka kəlee ka yəi; mąąhɔlɔɓo, ŋą́ gwɛ́la, gɛ́ ŋą́ dɛɛ ka nąnni pɔ; nɔi ŋɛ̨i kaa kɛa a ka kwɛlin.

Bible

¹⁴ Ŋá ŋ́gono tèe a gɛɛ ŋá ǹɔii ŋí tɛ́ɛ kánâŋ-ni pɔ́, kɛ́lɛ gáa nâa a ká pɔ́ɔ. M̀ɛni ma, ka ŋá kɔlɛ a bɔriɛɛ kákîe-ni loai.

Izikiɛ 47:14 Referans Kwoze

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Izikiɛ 48:29

Nɔi ka káá pai ɲąąkwɛlɛi Israɛlə nwɔ nu huwu lɔwai, nu tɛi tɛi nwɛi ka ti. Mɛ̨nį kəlee ŋą Hééɓomun Yálá woo li.»

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Hanwon 16:33

Nuą da kpɛɛn bili, Kɛlaa, Yálá ɓə dɛ̨ą a kulɔ na.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Lonon mo 14:30

Ŋą́ą́ gwɛ́la gɛ́ diɛ, nɔi tii ŋį́ naakwɛlanmo kaa, ka hva kɛa lɔ nɔi kpɔ ɉu. Hvo kɛ li lɔ Yefunɛ lon Kalɛbə da Nun lon Ɉosue, diɛ lɔ ɓə lɔi laa.

Lonon mo 14:16

‹Nɔi ŋɛ̨i Yai-Laa ə naakwɛlanmo nwɔ nuąi diɛ, hvo pɛli li di mu, hvo li a diɛ laa, ya ka tii, aa gəlee nwun na pili nɔi pun ɉu.›

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Izikiɛ 36:12

Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»