Izikiɛ 45:4 - Yálá laawoo hɛɓɛ (dc)

⁴ Gɛɛnąąi tii a kɛ a kɛɛnąą mąąhəɠɛɛ nɔi hu, a ɉaláá laahəli nuą di wɔɔ; diɛi da kɛ kóló kɛi gɛɛnąą mąąhəɠɛɛ ɓa, diɛ lɛɠɛ Yai-Laa ɓa, diɛ nwɔ kólói kɛi. Di wɔ pɛlɛ́ɠaai tɔɔi li, da Yálá hee pɛlɛ́.

Yálá laawoo hɛɓɛ

⁴ Gɛɛnąąi tii a kɛ a kɛɛnąą mąąhəɠɛɛ nɔi hu, a ɉaláá laahəli nuą di wɔɔ; diɛi da kɛ kóló kɛi gɛɛnąą mąąhəɠɛɛ ɓa, diɛ lɛɠɛ Yai-Laa ɓa, diɛ nwɔ kólói kɛi. Di wɔ pɛlɛ́ɠaai tɔɔi li, da Yálá hee pɛlɛ́.

Bible

⁴ Nàa é kɛ́ a ǹɔii kpûai nyii maa wâai. Ǹaa é kɛ́ a zâla láa-soŋ-ƃelai nyii-ŋai da tíi kɛ̀ ḿî Ŋ̀âla-pɛrɛi mui pɔ́ɔ díkɛ pà Yâwɛɛ ŋɛ́i-tuɛ díkɛ tíi kɛ̀ mìi. Ǹaa a pâi kɛ̂i a dípɛrɛ-ŋai tɔɔ̂i da Ŋ̀âla-pɛrɛ Kɛ́tɛi tɔɔ̂i.

Izikiɛ 45:4 Referans Kwoze

Izikiɛ 43:19

Yai-Laa woo ka, yɛ: nįŋɛ̨ hilɛ gbɔn dɛɛ ɉaláá laa həli nuą, Levi lonnii pɔ, nɛ̨ŋɛ̨n mąąhvaalɛ haláá kulɔ mɛ̨nį ɓa; diɛi di kaa Sadɔkə huwu hu, diɛ kóló kɛ mą́ą́.

Izikiɛ 40:45

Yili pulu, nui tii yɛ mą́ą́: Bɛlɛ́i tii ɲɛ̨i heɛ ɉɛɠɛɛ pələ, ɉaláá kulɔ nuą di wɔ kóló kɛ yələ a həli Yálá hee pɛlɛ́ mu, nąą ɓə da kɛ laa.

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Izikiɛ 45:1

«Ká kɛi pa nɔi ɲąą kwɛlɛi, ka Yai-Laa nwɛi laa a dee; a kɛ a kɛɛnąą mąąhəɠɛɛ, nɔi hu. Gwɛa pələ a kɛ a nu yee tɔɔɉu waa pow-hveelɛ-gɔw lɔɔli; goloon ɉu ə ɓo a waa pow. A kɛ a kɛɛnąą mąąhəɠɛɛ nąą kɔ́lɔ kəlee.

Izikiɛ 44:28

Di kwɛlin gaa pai kɛi di yəi, ɲą́ą́ ɓə gáá a di kwɛlin; ka hvo lɔi tɛɛ di pɔ Israɛlə lɔi hu, ɲą́ą́ ɓə ɓaa di wɔ lɔi.

Izikiɛ 40:46

Bɛlɛ́i tii ɲɛ̨i heɛ ɲələi pələ, ɉaláá kulɔ nuąi di yee kaa ɉaláá kulɔ koló ɓa, di wɛi li, a diɛi tii Sadɔkə lonnii da Levi lonnii di lɔwai. Diɛ ɓə da lɛɠɛ Yai-Laa ɓa diɛ nwɔ kólói kɛ.

Izikiɛ 45:3

Nɔi ka káá pai ka yee lɛi mą, ə kɛ a yee tɔɔɉu waa pow hveelɛ gɔw lɔɔli gwɛa pələ hu, yee tɔɔɉu waa pow goloon ɉu; ká gɔɔn, nąą ɓə gɛɛnąą mąąhəɠɛɛ kaa pai kɛi laa; gɛɛnąą mąąhəɠɛɛ kɛɛnąą kəlee ɓa.

Izikiɛ 48:8

«A hvilɛn Ɉuda nwɔ lɔi ɓa, ə həli voló kulɔi pələ, ə həli la gboloyá ɓa, ka lɔi ta lɛɛ laa, goloon ɉu a kɛ a yee tɔɔɉu waa pow hveelɛ kɔ́w lɔɔli, a kwɛa lɔ yɛ ka wɔ lɔiɠaai dɔ̨nɔ̨ kwɛa pələ; ə həɠə voló kulɔi pələ, ə həli la gboloyá ɓa, gɛɛnąą mąąhəɠɛɛ a kɛ ɉɛ̨ąi.