Izikiɛ 44:19 - Yálá laawoo hɛɓɛ (dc)

¹⁹ Da kɛi kulɔ ɲiman mu ɲɛnɛ̨ɛ̨ pələ, nuą pɔ pələ, ɉəɠəɠaai tii kɛ di kwąną diɛ ɉaláá kulɔ lai, mąąnɛ̨ɛ̨ di di kulɔ di kwąną; di di laa gɛɛnąą mąąhəɠɛɛ nąą ta. Di həɠə takpɛliɠaa həɠə, di hvo pa ləi nuą mąąhəɠə a di mąąhəɠəɠaa.

Yálá laawoo hɛɓɛ

¹⁹ Da kɛi kulɔ ɲiman mu ɲɛnɛ̨ɛ̨ pələ, nuą pɔ pələ, ɉəɠəɠaai tii kɛ di kwąną diɛ ɉaláá kulɔ lai, mąąnɛ̨ɛ̨ di di kulɔ di kwąną; di di laa gɛɛnąą mąąhəɠɛɛ nąą ta. Di həɠə takpɛliɠaa həɠə, di hvo pa ləi nuą mąąhəɠə a di mąąhəɠəɠaa.

Bible

¹⁹ Kɛ́lɛ tãi da kɛ̂ liî la banaŋ mâ ǹûai pɔ́ naai, gáa a sɛŋ dí dítii kɛ́ seɣei nyii díkɛ̀ tíi kɛ̂i zui kúla dîa dí dílɛɛ gwaa mâ waai mâ. À kɛ̀ tí, maa nɛ̃ɛ̂i a gɛɛ díseɣe da kpɛ́ni tóo dîa díseɣe maa waai fa lâ sɛŋ sóli la ǹûai dîa.

Izikiɛ 44:19 Referans Kwoze

Izikiɛ 46:20

yɛ mą́ą́: «Gɛɛnąąi ŋɛ̨i ɓə ɉaláá laa həli nuą kaa pai kɛi Yálá kɔ́ haláá, da nɛ̨ŋɛ̨n gulɔ haláá huwɔɠaa yilii laa. Yii nwɔ̨nɔ̨ da Yálá kɔ́ la, diɛ ɲili laa; di hva kulɔ a da ɲɛnɛ̨ɛ̨ pələ ɲiman mu. Yili a nee nɔi lonnii mąąhəɠə.»

Lɛɛ gbɔwɔ ɓa 30:29

di kɛ a hɛn mąąhəɠɛɛɠaa, di mąąhəɠɛɛ kpɔ hva-hva. Hɛn nɔpee pai tunwɔ̨n ɉi diɛ, a kɛ a mąąhəɠɛɛ.

Lɛɛ gbɔwɔ ɓa 29:37

Hvóló mɛ̨ihveelɛ yee mu, ə́ kaa pai kɛi nɛ̨ŋɛ̨n mąą hvaalɛɛ haláá kulɔi, yɛ́ gɛ ti ɉaláá kulɔ kəhi mɛ̨i, yɛ́ gɛ a Yálá nwɔɔ, bələ ɓə ɉaláá kulɔi mąą kaa pai həɠəi la. Hɛn lɔpee pai tunwɔ̨n ɉii ɉaláá kulɔ kəhi ɓa, gaa pai kɛi a mąąhəɠɛɛ ə mą kɛ nu ɓə.

Levetekɔ 16:4

A ɉaláá həɠə too gwąną, ə dɛmą pu mą, ə kilən ɉəɠə kwəlɛɛ pə pə too gwąną yii gaa a ɓɛlaa ləɠa, hąą yili kɔ́lɔi a ɓɛlaa ləɠa ə ɲili ɉąą, yili pulu, ə həɠə ɓɛla kwəlɛɛ yili nwun ma a ɓɔlɔ. Ɉaláá kulɔ həɠəɠaa ka tii; a gbɛa gbinį waa, yili pulu ə ɉɛnŋąą tii kɛ mą.

Levetekɔ 16:23

Aarɔn a pənə ə lɔ gee kaa kələ mu, ɉəɠəɠaai tii ə gɛ mą yɛ lɔ gɛɛnąą mąą həɠɛɛ ɓa, ə gulɔ mą ə bu laa.

Egaa 2:12

Akɛ gbəli hu, da haláá laa həli, ɉuwɔ kpuwɔ ta a lɛɛ ɉaláá laa həli mun da yəi ɉəɠə won ɉu, akɛ ɉəɠə won ŋɛ̨i ɉuwɔ kaa ɉu, a hee lopɛ̨in ɓa ɲąmą ə kɔ́ mą, a wala kɛ tii ə hee nɔw ta ɓa, yili hvo mą, ə too nɔɔ hu, a wala kɛ tii nwulɔ hu, akɛti, da gɔ̨nɔ̨n tii laakwɛlanmo kɛa Yálá ɓa?» Mąąnikɛi tii Aze ə gɛ, ɉaláá laa həli nuą di nwoo ŋąą pənə diɛ mą: «Kpaa-o!»

Levetekɔ 6:3

Ɉaláá laa həli mun a həɠə kwəlɛɛ, da dɛmą kwəlɛɛ kɛ mą. Daatɛlɛɛɠaa kələn ŋąą pulu, nunwui tii a lɛɛ ɉaláá kulɔi, ɉaláá laa həli mun a gələ laa, ə ɉee ɉaláá kulɔi kwɛlɛ.

Levetekɔ 6:4

Nąąlɔwai, a ɉaláá kulɔ həɠəɠaa kulɔ mą, ə həɠə takpɛli too gwąną ə li ə nuwu pili daa kpala kɛɛnąą mąąhəɠɛɛ ta ɓa.