Izikiɛ 44:15 - Yálá laawoo hɛɓɛ (dc)

¹⁵ «Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

¹⁵ «Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Bible

¹⁵ Ŋ̀wála-wâla kélee Yâwɛɛi è mo ǹyɛɛi, “Kɛ́lɛ zâla láa-soŋ-ƃelai nyii-ŋai kùla Liiva ŋɔsuui su, nyii-ŋai díkaa a Zadɔ ŋɔsuui su-ƃelai kɛ́ tíi kɛ̂i ḿî a tãi Eezuɛ-ŋai dí dípôlu tɔ̀ɔ la ḿâi, dia ƃé pâi kɛ̂i tíi kɛ̂i ḿî. Da pâi kɛ̂i tíi kɛ̂i ḿî díkɛ zama-sɛŋ suai wúlɔ da ŋãa kûla a sâla.

Izikiɛ 44:15 Referans Kwoze

Izikiɛ 48:11

Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 43:19

Yai-Laa woo ka, yɛ: nįŋɛ̨ hilɛ gbɔn dɛɛ ɉaláá laa həli nuą, Levi lonnii pɔ, nɛ̨ŋɛ̨n mąąhvaalɛ haláá kulɔ mɛ̨nį ɓa; diɛi di kaa Sadɔkə huwu hu, diɛ kóló kɛ mą́ą́.

Izikiɛ 40:46

Bɛlɛ́i tii ɲɛ̨i heɛ ɲələi pələ, ɉaláá kulɔ nuąi di yee kaa ɉaláá kulɔ koló ɓa, di wɛi li, a diɛi tii Sadɔkə lonnii da Levi lonnii di lɔwai. Diɛ ɓə da lɛɠɛ Yai-Laa ɓa diɛ nwɔ kólói kɛ.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą:

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Tɔɔɓɛlaa dɔlɔɔ 2:35

Tɔɔmun ə Yehoyada lon Benayahu hee nwɔ kɔlaɠai nwun na, ə ɉaláá laa həli mun Sadɔkə hee a Abiatarə mąąhvalin.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Izikiɛ 14:11

Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Izikiɛ 40:45

Yili pulu, nui tii yɛ mą́ą́: Bɛlɛ́i tii ɲɛ̨i heɛ ɉɛɠɛɛ pələ, ɉaláá kulɔ nuą di wɔ kóló kɛ yələ a həli Yálá hee pɛlɛ́ mu, nąą ɓə da kɛ laa.

Levetekɔ 3:3

Niilaa haláá tii, nwulɔi gaa gboyɛli ɓa, da yii a kɛ gboyɛli mɛ̨i, ya ɓə da naa həli Yai-Laa ɓa, di gələn.

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Lonon mo 18:5

Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Samia Veerɛi 8:17

Ahituvə lon Sadɔkə, da Abiatarə lon Ahimelɛkə ɓə kɛ a ɉaláá laa həli nuą, ɛlɛɛ Seraya yɛ ɓo a ɉɛɓɛ́ kɛmun.