Izikiɛ 43:22 - Yálá laawoo hɛɓɛ (dc)

²² Vóló veelɛ yələ, yá pa a ɓolu hilɛi kpɔi hva kɛ mą; ə kɛ a yii da nɛ̨ŋɛ̨n gulɔ la ɉaláá kulɔi ɓa; yɛ bələi ka niŋɛ̨ lon nwɛi kɛ la.

Yálá laawoo hɛɓɛ

²² Vóló veelɛ yələ, yá pa a ɓolu hilɛi kpɔi hva kɛ mą; ə kɛ a yii da nɛ̨ŋɛ̨n gulɔ la ɉaláá kulɔi ɓa; yɛ bələi ka niŋɛ̨ lon nwɛi kɛ la.

Bible

²² Ǹaa pôlu ma ɣelei, ká ƃoli sîrɛ siɣe nyii kpɔlɔ̂ŋ fé mai ká gula a sɔnyɔ̂ŋ sala. À kɛ̀ tí, ká ŋ̀âla-teƃelei maa wáa. Ŋ̀âla-teƃelei maa-waa a ŋãa yɛ̂ɛ berei ká gɛ̀ la a ǹiŋa sîrɛ ŋãai.

Izikiɛ 43:22 Referans Kwoze

Izikiɛ 43:20

Ə́ ɲąmą ta həɠə ə́ ɉiɛ ɉaláá kulɔi mįnɛ̨ nąąn ma, da vilən ɉɛn gɔwɔ nąąn ma, ɛlɛɛ, ə́ da hiɛ nwəlila nąą kəlee ə́ dinɛn mą ə́ doo gee hu. Bələ ɓə yá nɛ̨ŋɛ̨n gulɔ la ɉaláá kulɔi ɓa; yɛ́ mąąhəɠə.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 16:18

A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Izikiɛ 45:18

Mɛ̨nį kəlee ŋą Hééɓomun Yálá woo ka, yɛ: Ɲąnįn dɔlɔɔ nwɔ hvóló dɔlɔɔ yələ, yá nįŋɛ̨ lon ɉəɠə yii pɔɔ hvo mą, ə́ ɉaláá kulɔi mąą haláá kulɔ la.

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.