Izikiɛ 42:20 - Yálá laawoo hɛɓɛ (dc)

²⁰ Ə bɛlɛ́ kɔ́ɔn gea bomo nąąn ma, gwɛa yee ə kɛ a nwulu kpiɛn tii nwun nɔɔli; ɲąą kɛnɛ̨ yee ə kɛ a nwun nɔɔli; Bɛlɛ́ nwąnąi tii ɓə kɛi ɉɛn mąąhəɠɛɛɠaa da hɛn dakpɛliɠaa di ɓɛla ɓo.

Yálá laawoo hɛɓɛ

²⁰ Ə bɛlɛ́ kɔ́ɔn gea bomo nąąn ma, gwɛa yee ə kɛ a nwulu kpiɛn tii nwun nɔɔli; ɲąą kɛnɛ̨ yee ə kɛ a nwun nɔɔli; Bɛlɛ́ nwąnąi tii ɓə kɛi ɉɛn mąąhəɠɛɛɠaa da hɛn dakpɛliɠaa di ɓɛla ɓo.

Bible

²⁰ Ǹalôŋ è ziɣãŋ m̀éla naaŋɔɔ ma kɔ̀ɔŋ ǹaa kɛ́ ƃó a kɔ́ɔ ƃɔ́rɔnîi ŋuŋ lɔ́ɔlu mɛi saaƃa pôlu buu náaŋ (840) m̀éla kélee ma. Pɛ́rɛ-kâŋ è kɛ̀ naa nyii gwaa-ma-waa da ƃɛ́i ǹaa maa fé kɛ́ ní a maa-waai ŋá kɔlɛi.

Izikiɛ 42:20 Referans Kwoze

Izikiɛ 45:2

Nɔi kwəi pələ, a ɉaláá kulɔ kɛɛnąą mąąhəɠɛɛ; nu yee tɔɔɉu nwun nɔɔli, bələ kəlee; ɛlɛɛ nu yee tɔɔɉu pow lɔɔli ə tinɛ̨n mą ə doo gee hu.

Izikiɛ 40:5

Ŋą́ bɛlɛ́ nwąną ɲɛnɛ̨ɛ̨ pələ kaa, ə Yálá hee pɛlɛ́ mąątínɛ̨n ə doo gee hu. Wulu kpiɛn ə kɛ nui tii yəi hɛn gɔɔn mɛ̨nį ɓa; gwɛa kɛ a yee tɔɔɉu mɛ̨ida, da nu yee ɓa ŋą tɔ̨nɔ̨. Ə bɛlɛ́ kɔ́ɔn a nwulu kpiɛn dɔ̨nɔ̨, ə gwɛa pələ kɔ́ɔn a nwulu kpiɛn dɔ̨nɔ̨.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Zakari 2:5

Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.

Izikiɛ 48:15

«Yee tɔɔɉu waa lɔɔli kaa pai lɛɛi, nwaa pow hveelɛ gɔw lɔɔli kwɛlɛ, goloon ɉu pələ, yili a kɛ a daa nwɔ lɔi, taa nwɔ lɔi li, da taatɛlɛɛɠaa laa mįi. Daa a kɛ ɉɛ̨ąi.

Izikiɛ 44:23

«Ɉɛn gaa a mąąhəɠɛɛ, da yii mąą hvo həɠə li, diɛ ɓə da gulɔ nɔwai lɛ nuą diɛ; ə mą kɛ, yii mąąliɓiɛ da yii mąą hvo liɓi li.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Lukə 16:26

Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›

Mise 7:11

Ɲələi di kaa pai pənəi diɛ ə́ mąąkpɛ hįįɠaa tɔɔ la, mąą yələ, da ə́ wɔ lɔi ɲɛ̨n gulɔ bulu.

Izikiɛ 48:20

Nɔi pɛlɛɛ geeɓa, a kɛ a yee tɔɔɉu waa pow hveelɛ kɔ́w lɔɔli bələ kəlee. Ka nɔi tii ɓɛlaɓo ɉu nąąn, ka mɛla tɔ̨nɔ̨ həɠə a daa tɔɔi,

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Wɛli 2:9

Nwɔ́ wɛlii kaa yɛ Lomą, gaa yɛ Dɔlɔ. Ya ka tii! Ya ka tii tɔɔni ku yəi bɛlɛ́ nwąną ɓa. Yɛ nwun mąąlaŋąn vənɛtɛlɛ wolo ɓa. Yɛ ɲɛ̨i pili nwoloɠaa diɛ.

Levetekɔ 10:10

Bələ ɓə ka pɛli hɛnŋąą lɔwai tɔɔi la, hɛn gaa a nwɔ́ɔ́ da hɛn hvo ɓaa a nwɔ́ɔ́, ɛlɛɛ hɛn tɔ́n gaa mą da hɛn tɔ́n və mą.

Izikiɛ 42:19

Ə naa kulɔ kɛa gboloyá pɔ pələ, ə dunwɔ̨n tii ɲąą nwun nɔɔli kɔ́ɔn nąą bələ.

Izikiɛ 43:12

Bɛlɛ́ mąą tɔ́n ga: Ɲee ton na, da nɔi kpɔ tii gwɛlɛ nąą kəlee, ə mąątínɛ̨n ə doo gee hu, mąąhəɠɛɛ kpɔ kɛnɛ̨. Bɛlɛ́ mąą tɔ́n ga tii.