Izikiɛ 42:14 - Yálá laawoo hɛɓɛ (dc)

¹⁴ Ɓɛlɔwai ɉaláá laahəli nuą da lɔ la gɛɛnąą mąąhəɠɛɛ ɓa, di hva kɛa pənə di hvo kulɔ ɲiman mu, hvo kɛi da ɉaláá kulɔ həɠəɠaa kulɔ diɛ, di di pu, mąąhɔlɔɓo di mąąhəɠɛɛi, nąąlɔwai, da həɠə takpɛli too kɛa di kwąną, yili pulu, da pɛli kɛa di kulɔ ɓɛi nuą kaa laa.

Yálá laawoo hɛɓɛ

¹⁴ Ɓɛlɔwai ɉaláá laahəli nuą da lɔ la gɛɛnąą mąąhəɠɛɛ ɓa, di hva kɛa pənə di hvo kulɔ ɲiman mu, hvo kɛi da ɉaláá kulɔ həɠəɠaa kulɔ diɛ, di di pu, mąąhɔlɔɓo di mąąhəɠɛɛi, nąąlɔwai, da həɠə takpɛli too kɛa di kwąną, yili pulu, da pɛli kɛa di kulɔ ɓɛi nuą kaa laa.

Bible

¹⁴ Tãi zâla láa-soŋ-ƃelai da kpɛ̂ɛ la a tíi kɛ́ɛ Yâwɛɛ ŋɛ́i-tuɛ, da kɛ̀ ŋ̀wɛ̂li a gɛɛ dí lí ǹûai pɔ́ naa banaŋ mâ, fɛ̂ɛ dí díseɣe maa-waa-ŋai lɛ́ɛ gwaai ŋí ma dílɛɛ pâi kulâi ǹûai pɔ́ naa. Gáa a sɛŋ dí seɣe da kpɛ́ni-ŋa tòo dîa dílɛɛ pâi lɛɣɛ̂i a ǹûai.”

Izikiɛ 42:14 Referans Kwoze

Izikiɛ 44:19

Da kɛi kulɔ ɲiman mu ɲɛnɛ̨ɛ̨ pələ, nuą pɔ pələ, ɉəɠəɠaai tii kɛ di kwąną diɛ ɉaláá kulɔ lai, mąąnɛ̨ɛ̨ di di kulɔ di kwąną; di di laa gɛɛnąą mąąhəɠɛɛ nąą ta. Di həɠə takpɛliɠaa həɠə, di hvo pa ləi nuą mąąhəɠə a di mąąhəɠəɠaa.

Levetekɔ 8:7

Ə ɉəɠə mu həɠə too Aarɔn kwąną, ə ɉąą yili kɔ́lɔ yili nəŋəi, ə ɉəɠə kwɛa too gwąną, ə gilɛn ɉəɠə too gwąną, ə gilɛn ɉəɠə mɛ̨i həɠə ɓɛla kɛ mą, ə gbulɔn galan bulu.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Levetekɔ 8:13

Moisə ə Aarɔn lonnii tɔɔ, ə ɉəɠəɠaa too di kwąną, ə ɉąą yili kɔ́lɔ yili di ləŋəi, ə mɔlɔɠaa lɔ di nwuɔ̨; yɛ bələi Yai-Laa ə dí la.

Galatə 3:27

Gəlee ə mą kɛ, káái kpɔ daa ká mąąwaa Kristə hu, káá Kristə too ká kwɛną.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lukə 9:62

Jesus yɛ mą: «Akɛ nu ta a kɛɛ hiɛɛ kɔ́wɔ tɔɔ lɔ, yɛ bulu kaa, a kɛ tii, mąą nu hva pɛli tiɓo kɛi Yálá-taa tɔɔlaai hu.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Levetekɔ 16:23

Aarɔn a pənə ə lɔ gee kaa kələ mu, ɉəɠəɠaai tii ə gɛ mą yɛ lɔ gɛɛnąą mąą həɠɛɛ ɓa, ə gulɔ mą ə bu laa.

Izikiɛ 44:1

Ɉulɔnui tii ə pənə ə pa a ɲą́ą́ bɛlɛ́ mąąhəɠɛɛ mu, bɛlɛ́ laaləi tii gaa ɉu pələ nií la, yai ti ɲɛ̨i həɛi voló ɓɛlai pələ, naa kpulɔɔi kɛ.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.