Izikiɛ 41:22 - Yálá laawoo hɛɓɛ (dc)

²² haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Yálá laawoo hɛɓɛ

²² haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Bible

²² ɣâla-teƃele nyii dí gbɛtɛ a wúrii. Ŋɔmu-sîɣe è kɛ̀ a kɔ́ɔ ƃɔ́rɔnii lɔ́ɔlu, ŋɔŋa kɛ̂tɛ kɛ̀ ƃò a kɔ́ɔ ƃɔ́rɔnii saaƃa, ŋɔŋa kôya kɛ́ ƃò a kɔ́ɔ ƃɔ́rɔniii saaƃa. Zôwoŋ-su, gɔ̀ɔ pîlanii, da bɛ́rɛ ma díkelee díkɛ a wúru. Ǹalôŋ è mò ḿâ ǹyɛɛi, “Têƃelei ŋí ƃé gáa tɔɔ̂ni Yâwɛɛ ŋɛ́i-tuɛ.”

Izikiɛ 41:22 Referans Kwoze

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

Malasi 1:7

Kɔ̨nɔ̨n mąąliɓiɛ ɓə ka naa ɲə́i ɉaláá kulɔi. Ɛlɛɛ, kaa kɛ mą́ą́: ‹Kwa kɛ ɲɛ̨itɛ kulɔ pələ kɛi ləi a yɛ́?› Káá kpįnįi, káá nwɔ́ haláá kulɔi kɔ́hɔɓo.»

Izikiɛ 44:16

Diɛ ɓə pai kɛi lɔi nwɔ́ kɛɛnąą maahəɠɛi ɓa, diɛ lɛɠɛ nwɔ́ haláá kulɔi ɓa; diɛ mą́ą́ mɛ̨nį ɲɛ̨i kulɔ; diɛ nwɔ́ tɔ́nŋaai maa yɛlɛ kɛ.

Izikiɛ 23:41

Yili pulu ə́ laa gbin gɛnɛ̨ɛ ɲą, taɓali hviləŋąą gbin nií la, ɓɛi yaa kɛ nwɔ́ wulɔi da nwɔ́ lansan hee laa.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.

Tɔɔɓɛlaa dɔlɔɔ 6:20

Bɛlɛ́ yii ŋɛ̨i kɛ ɉu pələ, gwɛa yee ə ɓo a yee laa mą pow hveelɛ, ŋąą ə ɓo a yee laa mą pow hveelɛ, dɔɔmɛ̨i ə ɓo a yee laa mą pow hveelɛ, yaa ɓə Salomɔn ə hɛni ya hiɛ ɉu nąą kəlee. Ə haláá kulɔi pɛli laa bɛlɛ́n a kpitili wulu.

Levetekɔ 24:6

Ə́ di laa gee mɛ̨i a ɲɛli hveelɛ, mɛ̨ida mɛ̨ida, ɉɛni hu waa hva-hva taɓali mɛ̨i Yai-Laa lííla.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Wɛli 1:12

Ɓɛlɔwai nwɔ́ tɔɔmun a kɛ la heeni nwɔ hɛli kɔ̨nɔ̨n ma, nwɔ́ mąąti wulɔi mąąkun nɛ̨ɛ̨ yɛ laa,

Hanwon 9:2

Aa nwɔ taatɛlɛɛɠaai paa, aa nwɔ lɔɔi pɛli, ɛlɛɛ, aa nwɔ kɔ̨nɔ̨n gɔwɔi hee.

Kɔlɔnikɔ Veerɛi 4:19

Salomɔn ə Yálá yəi bɛlɛ́n ɉɛnŋąą kəlee kɛ: Ə Yálá kɔ́i bɛli a hɛni, nɛɠɛ kpįnįn naa taɓaliɠaa,

Tɔɔɓɛlaa dɔlɔɔ 7:48

Salomɔn ə Yai-Laa hee pɛlɛ́ mu hɛnŋąą kəlee kɛ. Ə ɉaláá kulɔi kɛ a hɛni, ə Yálá kɔ́i kɛ a hɛni, diɛ Yálá kɔ́ nɛɠɛ laa.

Tɔɔɓɛlaa dɔlɔɔ 6:22

Hɛni yá hiaa bɛlɛ́ nąą kəlee ɓa. Ɉaláá kulɔi ŋɛ̨i kɛ Yálá nwɔ pɛ́lɛ́i mu, ə hɛni yá hiɛ yili ɓa.

Lɛɛ gbɔwɔ ɓa 30:8

Aarɔn a pa nwulɔ nwɔ̨nŋąą təŋa yalii, yələwulii pɔ, a lansan kələn; gaa pai kɛi a hɛn gun nɛ̨ɛ̨ yii a kɛ a yələ kəlee mɛ̨nį Yai-Laa lííla.

Lɛɛ gbɔwɔ ɓa 25:23

«Yili pulu, ə́ taɓali pɛli a kpitili, gwɛa a yee laa mą hveelɛ, goloon ɉu ə ɓo a yee laa mą tɔ̨nɔ̨, dɔɔmɛ̨i ə ɓo a yee laa mą tɔ̨nɔ̨ da gbulɔ.