Izikiɛ 41:18 - Yálá laawoo hɛɓɛ (dc)

¹⁸ di kɛɛnąą mąąkpɛ malakaɠaa mąąnįnįn ɉəɠə laa, da gwala laa mąąnįnįn; mąąkpɛ malaka mąąnįnįn veelɛ lɔwai, di kɛi gwala laa mąąnįnįn dɔ̨nɔ̨ kɛ laa. Mąąkpɛ malakaɠaai tii, di ɲɛ̨ilai ə kɛ hveelɛ hveelɛ.

Yálá laawoo hɛɓɛ

¹⁸ di kɛɛnąą mąąkpɛ malakaɠaa mąąnįnįn ɉəɠə laa, da gwala laa mąąnįnįn; mąąkpɛ malaka mąąnįnįn veelɛ lɔwai, di kɛi gwala laa mąąnįnįn dɔ̨nɔ̨ kɛ laa. Mąąkpɛ malakaɠaai tii, di ɲɛ̨ilai ə kɛ hveelɛ hveelɛ.

Bible

¹⁸ Tóu-wuru tɔnɔ pɔɔkɔŋ è kɛ̀ ŋ̀âla-taa kôoŋ sãai veerɛ pɔɔkɔ̂ŋ loai. Ŋ̀âla-taa kôoŋ sɛŋ dɔnɔ ŋɛ́i è kɛ̀ kwaa feerɛ ma.

Izikiɛ 41:18 Referans Kwoze

Tɔɔɓɛlaa dɔlɔɔ 7:36

Ə mąąkpɛ malakaɠaa, yalaɠaa da gwálá laaɠaa mąąnįnįn ɉəɠə ɉɛnŋąą tii kəlee diɛ. Ə ɉɛnŋąą pɛli yɛ yɔwɔɔn, ə mąą tinɛ̨n na.

Izikiɛ 40:16

Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Izikiɛ 40:22

Nwɔ woloɠaa, nwɔ ɲimɛ̨n mu, da nwɔ gwala laaɠaa di kɛ lɔ yɛ voló ɓɛlai pələ pɛlɛ laalei nwɛiɠaa. Gbəlin kɛi tɛ laa ə kɛ mɛ̨ihveelɛ, ɲimɛ̨n mu ə kɛ nąą ɲɛ̨i tɔwɔ.

Izikiɛ 10:21

Mąąkpɛ malaka nąąn ə tɛɛ, di ɲɛ̨ilai ə ɓo nąąn; di koon ə ɓo nąąn, di koonŋąą mu pələ, nu yee kulɔ mąą ə kɛ laa.

Kɔlɔnikɔ Veerɛi 3:7

Ə hɛni hiɛ bɛlɛ́n gəlee, ə mą kɛ, gbaan mą, gbon galan ɉu, bɛlɛ́ nwąną ɓa, ɛlɛɛ, gbonŋąą diɛ; ə mąąkpɛ malakaɠaa mąą nįnįn ɉəɠə bɛlɛ́ nwąnąɠaa ɓa.

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

Izikiɛ 41:25

Di mąąkpɛ malakaɠaa mąąnįnįn ɉəɠə, Yálá hee pɛlɛ́ gbonŋaa ɓa, yɛ bələi lɔ di gɛ la bɛlɛ́ nwąnąɠaa ɓa. Wuluɓɛla kpatala ə kɛ ɲįnmąn ɲɛ̨i tɔwɔ ɲɛ̨nɛ̨ɛ̨ pələ.

Izikiɛ 41:20

Ə həɠə kpɔ bɛlɛ́ kɛnɛ̨ɛ mu nɔi ɓa, ə həli la nuą lɔi nwun mɛ̨i, daa kɛ nu mąąkpɛ malaka mąąnįnįn bɛlɛ́ gɔlɔ kəlee, da gwala laa mąąnįnįn.

Izikiɛ 10:14

Di tɛitɛi di ɲɛ̨i heei ə kɛ nąąn, di ɲɛ̨ilai dɔlɔɔ ə kɛ yɛ mąąkpɛ malaka ɲɛ̨ilai, veelɛnąą ə ɓo a nu ɲɛ̨ilai; ɉaaɓa nąą ə ɓo a yala ɲɛ̨ilai, nąąn nąą ə ɓo a kúwɔ́ ɲɛ̨ilai.

Izikiɛ 1:10

Di ɲɛ̨ilai gulaa kɛ nu ɲɛ̨ilai ma, di nu nąąn, Yala ɲɛ̨ilai ə kɛ di ɓa-mįi-yee hu pələ; nįŋɛ̨ hilɛ ɲɛ̨ilai ə ɓo di kɔ́ɓɛyee hu pələ, kuwɔ ɲɛ̨ilai ə kɛ di nu nąąn diɛ.

Kɔlɔnikɔ Veerɛi 3:5

Bɛlɛ mu kɛnɛ̨mun, ə siprə wulu ɓɛla pɛlɛ ɉu, ə hɛni hiɛ mą; ə gwalalaa da wulu powa mąąnįnįnŋąą kɛ mą.

Tɔɔɓɛlaa dɔlɔɔ 6:35

Ə pənə nwɔ̨nɔ̨, ə mąąkpɛ malaka, gwala laa da ə wulu powa mąąnįnįn ɉəɠə mą, ə hɛni yá hiɛ mą.

Izikiɛ 41:17

Ə həɠə Yálá hee pɛlɛ́ laaləi ɓa, ə li la gbon ɲa, daa kɛ nąą mąą yili;

Tɔɔɓɛlaa dɔlɔɔ 7:29

Ɉee hɛn ɲąŋąɠaa tii yee toɔ kɛ gee hu, di yala mąąnįnįn ɉəɠə mą da nįŋɛ̨, ɛlɛɛ, mąąkpɛ malakaɠaa. Naaŋąɠaa ŋɛ̨i kɛ mɛ̨i pələ, ɲalaɠaa da nįŋɛ̨ɠaa di mu pələ, di hɛnŋąą pɛli mą, ɲee lɔɔ ge hu.