Izikiɛ 41:1 - Yálá laawoo hɛɓɛ (dc)

¹ Ə li a ɲą́ą́ bɛlɛ́ kɛnɛ̨ɛ mu, ə bɛlɛ́ dɔɔmuɠaa kɔ́ɔn, di ɲąą kɛnɛ̨ yee ə ɓo a yee tɔɔɉu haaɓa ɓɛ pələ, da ɓɛ pələ. Yii kɛ a ɉəɠə pɛlɛ́ ɲąą kɛnɛ̨ yee.

Yálá laawoo hɛɓɛ

¹ Ə li a ɲą́ą́ bɛlɛ́ kɛnɛ̨ɛ mu, ə bɛlɛ́ dɔɔmuɠaa kɔ́ɔn, di ɲąą kɛnɛ̨ yee ə ɓo a yee tɔɔɉu haaɓa ɓɛ pələ, da ɓɛ pələ. Yii kɛ a ɉəɠə pɛlɛ́ ɲąą kɛnɛ̨ yee.

Bible

¹ Naa kɛ́ɛ tíi, kwa ǹalôŋ kú nâa lɔ̀ Ŋ̀âla-pɛrɛ Kɛ́tɛi mu. È nâa gbôŋ láƃerei kɔ̂ɔŋ. Ŋɔkôyaa è kɛ̀ a kɔ́ɔ ƃɔ́rɔnii puu.

Izikiɛ 41:1 Referans Kwoze

Izikiɛ 41:23

Naaləi ə kɛ gee hu hveelɛ, bɛlɛ́ kɛnɛ̨mun da gɛɛnąą mąąhəɠɛɛ di lɔwai.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

M̀ɛni-lɛɛi 21:15

Nui tii kɛli bələ ɓo mą́ą́, hɛnŋaa kɔɔn ɉɛn ə kɛ ɲee ɲą, yɛ ɓo a hɛni hveen gbaɠa, yii ə kɛli pa daa-lee tii kɔɔn ɉii la, bɛlɛ́ laaləiɠaa, da ɉįi nwąnąɠaa.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Izikiɛ 41:21

Yálá hee pɛlɛ́ gbon nąą kəlee pɛliɛ kɛ a gee. Gɛɛnąą mąąhəɠɛɛ ɲɛ̨i tɔwɔ yii nuą di kɛi gaa, ə kɛ yɛ:

Izikiɛ 41:3

Ku lɔ bɛlɛ́n bələ, ə bɛlɛ́ laaləi dɔɔmu kɔ́ɔn, ə ɓo a yee tɔɔɉu hveelɛ; gbon ə ɓo a yee tɔɔɉu mɛ̨ida, bɛlɛ́ laaləi kɛnɛ̨ pələ ə kɛ a yee tɔɔɉu mɛ̨ihveelɛ.

Izikiɛ 40:9

Bɛlɛ́ dɔɔmu ə kɛ a yee tɔɔɉu mɛ̨ihaaɓa, bɛlɛ́ laaləi ə ɓo a yee tɔɔɉu mɛ̨ihaaɓa. Ɲiman ɲɛ̨i tinɛ̨n ŋąąi kɛ bɛlɛ́n bələ.

Tɔɔɓɛlaa dɔlɔɔ 6:2

Bɛlɛ́i Salomɔn ə dɔɔ Yai-Laa ɓa, gwɛa pələ ə kɛ a yee laa mą pow mɛ̨ida, ŋąą kɛnɛ̨ pələ yɛ ɓo a yee laa mą pow hveelɛ, dɔɔ mɛ̨i ə ɓo a yee laa mą pow haaɓa.

Izikiɛ 42:1

Ɉulɔnui tii ə gúlɔ ɲɛnɛ̨ɛ̨ pələ ɲįmąn mu, yii tii ɲələi pələ; ə pənə ə lɔ a ɲą́ą́ bɛlɛ́ yiiɠaai tii ɲɛ̨i heɛ ɲələi pələ, mu.

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.