Izikiɛ 40:44 - Yálá laawoo hɛɓɛ (dc)

⁴⁴ Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Yálá laawoo hɛɓɛ

⁴⁴ Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Bible

⁴⁴ Nya ƃe kwa ǹyaa kú lɔ̀ ziɣãŋ su. Lôŋpo feerɛ è kɛ̀ naa nyii-ŋai kɛ̀ a díla kuláa bɛ́rɛi mu pere. Díkɛ díkîe ni kɔlɛ. Dɔnɔ lá è kɛ̀ a kuláa séɣai pere siɣaŋ lá pere gbéli lá kuláa yá-ŋua pere siɣaŋ lá pere. Díkɛ̀ díkîe-ni téniŋ ma.

Izikiɛ 40:44 Referans Kwoze

Izikiɛ 40:27

Ɓɛi nuą di kɛi tɔɔ laa bɛlɛ́n bələ, pɛlɛ́ laaləi ta ə kɛ laa ɲɛ̨i həɛ ɉɛɠɛí pələ, ə nąą kɔ́ɔn, ə həɠə bɛlɛ́ laaləi yii ɓa, ə həli yii tii ɓa, ə kɛ a yee tɔɔɉu nwun dɔ̨nɔ̨.

Izikiɛ 40:23

Ɓɛi nuą da tɔɔ laa, kpon ə kɛ laa, ɲɛ̨i həɛ ɲánwuɔ̨ pələ pɛlɛ laaləi ɓa, lɔ yɛ voló ɓɛlai pələ nwɛi, ə həɠə bɛlɛ́ laaləi yii ɓa ə həli yii tii ɓa, ɉulɔnui tii ə nąą kɔ́ɔn, ə ɓo a yee tɔɔɉu nwun dɔ̨nɔ̨.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Izikiɛ 40:38

Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Izikiɛ 40:29

Nwɔ gulɔ-gbinmaɠaa da dɔɔmuɠaa, da ɲimɛ̨n mu, di kɛ pələ ə kɛ lɔ yɛ yiiɠaai tii; woloɠaa ɓɔɔ kɛ bɛlɛ́ laaləi da ɲimɛ̨n mu ɓa, yɛ di mąą tinɛ̨n yɛ doo gii hu. Di kwəa pələ ə kɛ a yee tɔɔɉu pow lɔɔli, di ɲąą kɛnɛ̨ pələ ə ɓo a yee tɔɔɉu pow hveelɛ gɔw lɔɔli.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

Izikiɛ 40:10

Gulɔ-gbinma-ɠaai tii voló ɓɛlai pələ, bɛlɛ́ laaləi kwɛlɛ, ɉaaɓa ə kɛ ɓɛ pələ, ɉaaɓa ə ɓo ɓɛ pələ. Gəlee haaɓai ɲąą kɛnɛ̨ pələ ə ɓo lɔ tanɔ̨n. Bɛlɛ́ dɔɔmuɠaai tii kɛ ɓɛ pələ da ɓɛ pələ, di kɛ pələ, da di kpinį ə kɛ lɔ tanɔ̨n.

Izikiɛ 40:7

Gulɔ-gbin-maɠaa kwɛa pələ ə kɛ a gɔɔn nwulu kpiɛn dɔ̨nɔ̨, ɲąą kɛnɛ̨ pələ ə ɓo a nwulu kpiɛn dɔ̨nɔ̨. Di lɔwai ə ɓo a yee tɔɔɉu lɔɔli; ɲiman mu kɛnɛ̨ ŋɛ̨i kɛ bɛlɛ́ laaləi kwɛlɛ, ɲɛ̨i heɛ Yálá hee pɛlɛ́ ɓa pələ, gwɛa yee ə kɛ a nwulu kpiɛn dɔ̨nɔ̨.

Izikiɛ 40:43

Di kwɛlɛ laai kɛ a nu yee ɲa tɔ̨nɔ̨ ɉu pələ, ə tinɛ̨n ma ə doo gee hu; ɉaláá huwɔɠaa laai kɛ daɓaliɠaai tii mɛ̨i.