Izikiɛ 40:3 - Yálá laawoo hɛɓɛ (dc)

³ Ə li a ɲą́ą́ gɛɛnąąi tii, ŋą́ nu ta kaa laa, gɛ pələ ə kɛ yɛ ɓala kwɛli; hɛn da ə kɛ ɲəi yɛ gɔtɔyɛli, da hɛn gɔɔn nwulu kpiɛn. Ə kɛ tɔɔni bɛlɛ́ laaləi.

Yálá laawoo hɛɓɛ

³ Ə li a ɲą́ą́ gɛɛnąąi tii, ŋą́ nu ta kaa laa, gɛ pələ ə kɛ yɛ ɓala kwɛli; hɛn da ə kɛ ɲəi yɛ gɔtɔyɛli, da hɛn gɔɔn nwulu kpiɛn. Ə kɛ tɔɔni bɛlɛ́ laaləi.

Bible

³ Tãi è pà la a ńyãa naai, nalôŋ tɔnɔ è kɛ̀ naa nyii gbɛ̀tɛ pere è kɛ̀ yɛ̂ɛ ƃarai. Sɛŋ kɔ̂ɔŋ ɣɛli fɛlɛŋ-fɛlɛŋ da sɛŋ kɔ̂ɔŋ wuru díkɛ̀ ƃò ǹyêei. È kɛ̀ tɔɔ̂-ni ziɣãŋ láƃerei.

Izikiɛ 40:3 Referans Kwoze

M̀ɛni-lɛɛi 11:1

Ya ɓə di hveen gbaɠa ta tɛɛ bɔ́, yɛ ɓo yɛ hɛnŋaa dɔɔ ɉu kɔɔn ɉɛn, ɛlɛɛ, diɛ mą́ą́: «'Ə́ muhəɠə ə́ li, ə́ Yálá hee pɛlɛ́ koloon ɉu kɔɔn, ɛlɛɛ, ɉaláá kulɔi, ɛlɛɛ, da nuąi da kwɛli hvilɛn nąą.

Izikiɛ 47:3

Ɉulənui ə kulɔ ɲɛ̨i hąŋąnŋąą voló ɓɛlai pələ, mąnįngɔw ə ɓo ɲəi; ə yee tɔɔɉu waa tɔ̨nɔ̨ kɔ́ɔn; yɛ mą́ą́: 'Ɲá teen! Ɲá ə kɛi ɉón a gɔ́wɔ́ kwąną.

M̀ɛni-lɛɛi 21:15

Nui tii kɛli bələ ɓo mą́ą́, hɛnŋaa kɔɔn ɉɛn ə kɛ ɲee ɲą, yɛ ɓo a hɛni hveen gbaɠa, yii ə kɛli pa daa-lee tii kɔɔn ɉii la, bɛlɛ́ laaləiɠaa, da ɉįi nwąnąɠaa.

M̀ɛni-lɛɛi 1:15

gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

Izikiɛ 1:7

Di kɔ́wɔ wuluɠaa di kɛ a ɉaŋąą, di kɔ́wɔ ə ɓo yɛ nįŋɛ̨ kɔ́wɔ; yɛ lən yɛ ɓala kwɛli hunwɔ̨ a kɛi lən.

Izikiɛ 1:27

Yili pulu, ŋą́ hɛn da kaa, ə ɓo yɛ nwɔ̨n gbaalən gbɔliɔ; yɛ nwɔ̨n gɛ pələ, yɛ mąątinɛ̨n yɛ doo gee hu; yɛ həɠə la ɉɛn tii nįŋɛ̨i, yɛ tɛ la ɲələi pələ, yɛ həɠə nįŋɛ̨i yɛ yɛɛ laa ɉɛɠɛɛ pələ. Ŋą́ hɛn da kaa yɛ nwɔ̨n, da kɛɛ pɔ̨nɔ̨ ta, gwɛlɛ kəlee ɓa.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Izikiɛ 41:1

Ə li a ɲą́ą́ bɛlɛ́ kɛnɛ̨ɛ mu, ə bɛlɛ́ dɔɔmuɠaa kɔ́ɔn, di ɲąą kɛnɛ̨ yee ə ɓo a yee tɔɔɉu haaɓa ɓɛ pələ, da ɓɛ pələ. Yii kɛ a ɉəɠə pɛlɛ́ ɲąą kɛnɛ̨ yee.

Izikiɛ 42:16

Ə voló həɠəi pələ kɔ́ɔn, a nwulu kpiɛn ti ə kɛi ɉɛnŋaa kɔ́ɔn nai, ə mąątįnɛ̨n ə doo gee hu, ə kɛ a dunwɔ̨n tii ɲąą nwun nɔɔli.

Izikiɛ 43:6

Ɛlɛɛ ŋą́ nu woo mąn, yɛ hvaa bɔ́, nwoo yɛ kulɔ bɛlɛ́n bələ, nąąlɔwai, nui tii tɔɔ kɛ gwɛ́lɛ.

Izikiɛ 8:2

Ŋį́ ɲɛ̨́i hee, ŋį́ nu kulɔmąą kaa: ɓɛi ti kɛ gulaa nəŋəi ɓai, ə həɠə laa ə yɛɛ nɔi ɓa pələ, ə kɛ a nwɔ̨n; ə həɠə nəŋəi ti ɓa ə tɛ ɲələi pələ, hɛn da ə kɛ laa yɛ lən yɛ pɛnɛ̨n galan.