Izikiɛ 4:16 - Yálá laawoo hɛɓɛ (dc)

¹⁶ Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

Yálá laawoo hɛɓɛ

¹⁶ Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

Bible

¹⁶ Naa kɛ́ɛ tíi è ŋɔ́nɔ mò ḿâ ǹyɛɛ, “Núu-kpune ǹóŋ, ŋa pâi mii-sɛŋ mɛni wâlai Zerusâlɛŋ. Da pâi kɛ̂i mii-sɛŋ kɔ̂ɔni sɛŋ fôlo su dílɛɛ pâi miî. Da pâi kɛ̂i m̀iî díkɛ díkili-ŋa sìa. Da pâi máŋ kɛ̂i yá kɔɔ̂ni a maloŋ-pere dílɛɛ pâi díkpelei.

Izikiɛ 4:16 Referans Kwoze

Izikiɛ 5:16

Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Azaya 3:1

A tɛ̨ą hɛn kpɔ a pɛli kpɔmąą tɛɛi, Ɉerusalɛmə da Ɉuda lɔi di pɔ, Nąmu Yai-Laa Mɛ̨nį Kəlee ŋą Hééɓomun kaa pai, gəlee kulɔi di yəi; yɛ ə kɛ a ya, yɛ ə kɛ a kɔ̨nɔ̨n.

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Mąątɛ̨nɛ̨ 105:16

Ə pulu ɲąątɔɔ nɔi ɓa, ə kɔ̨nɔ̨n gəlee kpɛɛ.

Woolaa 5:9

Ku kɔ̨nɔ̨n ɉɔlɔɓoi kaa kpɔ a haa wolo la. Too-kwɛ́liɠaa yəi mowa ŋą ɓə kwa ku kɔ̨nɔ̨n gwɛli laa nɔi pun ɉu.

Woolaa 1:11

Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

M̀ɛni-lɛɛi 6:5

Ɓɛlɔwai ə gɔlɔn ɉɛn ɉaaɓanąą holoon na, ŋį́ ɉuwɔ ɉaaɓanąą tomą woo mɛ̨n, yɛ kɛ mą: «'Pá!» Ɛlɛɛ, ŋą́ ɲɛ̨́i hee, ŋą́ hoo tɛɠiɛɛ hɛ̨-hɛ̨ ta kaa. Nui kɛ heeni mɛ̨i, hɛnŋaa kɔ́ɔn ɉɛn yɛ ɓo ɲee ɲą.

Ɉeremi 52:6

Ɲąnin nwɔ hvóló mɛ̨inąąn ɲələ, pulu ə kɛ daa kwəi, hɛn nąmįną kɔ̨nɔ̨n və kɛa kɛ di yəi.

Woolaa 5:4

Kwa kɛ ku ku wɔ yálɔwai ta kpələ hvo kɛli kwa ɲá a wali. Hvo kɛli kwa ku kpɔɔ kwɛi yiliɠaa tii yá, hvo tɛɠa lɔ bɛlɛ́n.

Izikiɛ 4:15

Yá ɓə a kɛ mą́ą́: «Yii gaa ti, gáá nįŋɛ̨ kpo tɛɛi ə́ pɔ, a nu kpo mąąhvalin, a ə́ wɔ lɛɠɛ mɔ̨n ɉɛn.»

Amɔsə 4:8

Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Tɔɔɓɛlaa veelɛ 6:25

Daa mąątínɛ̨n di mo a kɔ́, yili ə gɛ, pulu kɛnɛ̨ kpɔ ə too Samari, yili ə kpɔlu daa nuą la, diɛ hoohvaalən nwunganin dɔ̨nɔ̨ ya a wali kwələ pow mɛ̨ihaaɓa, kɔ̨nɔ̨n gəgən ɉu hveelɛ ə ɓo a wali kwələ lɔɔli.

Tɔɔɓɛlaa veelɛ 25:3

Ɲąnin nwɔ hvóló mɛ̨inąąn ɲələ, pulu aa kpɔlu kɛa kɛ daa kwəi, kɔ̨nɔ̨n və kɛa kɛ nuą yəi,