Izikiɛ 4:14 - Yálá laawoo hɛɓɛ (dc)

¹⁴ Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Yálá laawoo hɛɓɛ

¹⁴ Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Bible

¹⁴ Nya ƃe ŋá mò ńyɛ̂ɛi, “Kpao, Yâwɛɛ Ɣâla! É síɣe ǹoloŋ tãi ma ḿve tá ŋ́gbîŋ maa tĩa kara ní a fɛnɛ-sɛŋ nyii sàa gbɔɔi-yee mai, kpaa máŋ nyii fɛnɛ-sɛŋ da kpɛ́ni è baai da miɛɛi. Naa pôlu ma, ḿve ta fɛnɛ-sɛŋ da mii ní nyii íkɛ yɛ̂ m̀aa fé waa nii.”

Izikiɛ 4:14 Referans Kwoze

Gɛlaɠaa 10:14

Piɛrə ə nwoo ɲąąpənə yɛ mą: «Oo Ną́mu! Və́ hvaa li mą! Mąąhɔlɔɓo, nwɔ́ yɛnɛ̨ɛ̨ kəlee yee mu, hɛnŋąai mąą hvo həɠə li, di kɔ́hɔɓoɔ, və́ ta da mįi li.»

Izikiɛ 9:8

Di kɛi baa ɓo kɛi, ŋą́ kɛ dɔ̨nɔ̨ kan ɉu; ŋą́ pɛlɛ níí ɓa, ŋą́ tomą, gɛ́ diɛ: «Ee kə Ną́mu Yálá! Yɛ́ mɔ̨ɔ̨ ə́ Israɛlə nuą gbəli paa a ni holii ŋɛ̨i ə́ kaa ɉeei Ɉerusalɛmə ɓai?»

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Azaya 65:4

Diɛ tɔɔ kámąɠaa la, diɛ yii kwɛni woloɠaa hu, diɛ ɓoi mįi, ɛlɛɛ di kɔ̨nɔ̨n ə ɓo a túlun bulu hɛnŋąą.

Dutɛrɔnome 14:3

Ka hvə hɛn mąąliɓiɛ ta mįi.

Azaya 66:17

Nuąi da kɛ «di kpɔwɔ kɛi a mąąhəɠə nuą da mąąwaa nuą», diɛ lɔ nɔw yɛa hu, di ɓo di nwun nąmu pulu, nwɛi, ə ɓo tɔɔni di hąmąi; nuąi da kɛ ɓoi mį́í, da ɉuwɔɠaai tɔ́n gaa diɛ, da ɲinɛ̨ɠaa, gəlee kaa pai haai a gee. Yai-Laa woo li.

Levetekɔ 17:15

«Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Izikiɛ 44:31

Huwɔi aa haa gbɔwɔ ɓa, a wala kɛ tii daa ɉu ɓɛla, ə kɛ a nwɛ̨nį, ə kɛ a huwɔ takpɛli, ɉaláá kulɔ nuą di hvo da mįi.»

Levetekɔ 19:7

Nui a gulɔ nwəlii a da mįi a voló ɉaaɓa yələ, a kɛ kɛa a huwɔ kalaa, hva níí hon.

Levetekɔ 22:8

Mąą hvo nɛ̨ɛ̨li Aarɔn huwuhu mun da lɔpee hvo huwɔi aa haa gbɔwɔ ɓa da mįi, a wala kɛ tii, yii kɛ mɛlan ɉuwɔ ta aa wolo mą; a yili kɛ tii, a tɔ́n bɛlɛ gbɔwɔ ɓa. Ɲą́ą́ ɓə gáá a Yai-Laa.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Izikiɛ 4:15

Yá ɓə a kɛ mą́ą́: «Yii gaa ti, gáá nįŋɛ̨ kpo tɛɛi ə́ pɔ, a nu kpo mąąhvalin, a ə́ wɔ lɛɠɛ mɔ̨n ɉɛn.»

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Lɛɛ gbɔwɔ ɓa 22:30

«‹Mąąnɛ̨ɛ̨, ka mąą ə həɠə mą́ą́ mɛ̨nį ɓa. Lɔwɔ huwɔ ta a wolo taatɛlɛɛ ta ɓa kpomói, ka hvo mįi, ka bili yilɛɠaa diɛ.