Izikiɛ 39:23 - Yálá laawoo hɛɓɛ (dc)

²³ Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Yálá laawoo hɛɓɛ

²³ Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Bible

²³ À kɛ̀ tí, ǹɔii-ŋûŋ-ŋai kélee da pâi gɔ̂lɔnii a gɛɛ Eezuɛ-ƃelai dí wɔ́lɔ lì kɔ-soŋ laa su kpɛ́ni fêi dí sɔnyɔ̂ŋ kɛ̀ a ńyãa. Dí tûa a ńyãa a nyɔ́mɔɔ m̀ɛni ma ŋá ŋ̀ɛ́i lôo dîa, ŋá dítɛɛ díkpɔara-ƃelai pɔ dí dípaa kɔ́ su.

Izikiɛ 39:23 Referans Kwoze

Azaya 59:2

Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Dutɛrɔnome 32:20

Ə mo kɛa yɛ kɛ diɛ: «A yiiɠaai-yoo! Nu hva pɛli ə́ kilitɔɔi diɛ! Mąąwiɛ laa hvo di yəi! Gáá ɲɛ̨i lɛlɛɛ həɠəi diɛ, kɛlaa di wɔ yɛnɛ̨ɛ̨ kaa pai kɛi ləi tɔwɔ pələ?

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Izikiɛ 36:36

Nɔiɠaai tii pai kɛi ka kwɛlɛ, da gili kɔ́lɔn gea, diɛ kɛ ɲą́ą́ ɓə gáá a Yai-Laa. Ɉɛn di nwolo, ɲą́ą́ ka tii pənə gɛ́ dɔɔ; ɉɛn di gala, gɛ́ pənə gɛ́ ɉin. Ɲą́ą́ Yai-Laa, ɲą́ą́ ɓə mo, ɛlɛɛ, gáá gɛi.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Mąątɛ̨nɛ̨ 106:41

Ə di tɛɛ huwu takpɛliɠaa pɔ, di yowoɠaa diɛ hee di mɛ̨i.

Mąątɛ̨nɛ̨ 30:7

Ɛlɛɛ nwɛ́i, ŋą́ kɛ kpɔ a nwə́li pulu laɠiɛ, gɛ́ kɛ diɛ: «Hɛn da lɔpee hva mąąkpɛlin.

Mąątɛ̨nɛ̨ 10:1

Yai-Laa, lə ɓə kɛ yai ə́ kaa kwɛaa la, yɛ́ ə́ loo a mɔ̨nɔ̨ yələɠaa?

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Izikiɛ 7:22

Gáá pai búlu tinɛ̨n ɉii diɛ, diɛ nwɔ́ hɛn gɔwi hukala. Nwuɔ̨ nuą di kaa pai pai laa, diɛ ɉu kala.

Izikiɛ 20:27

«Yili mąą mɛ̨nį ɓa hulɔnu lon, mɛ̨nį ɓo Israɛlə nwɔ pɛlɛ́i mu nuą diɛ; 'kɛ diɛ: Mɛ̨nį kəlee ŋą Hééɓomun Yálá woo ka: Ka nąnni di kɛi tuwɔ nɛ̨ŋɛ̨n ɉəɠəi mą́ą́, a di woo lɛɛi di kɛi mo,

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.