Izikiɛ 39:21 - Yálá laawoo hɛɓɛ (dc)

²¹ Gáá pai mąąwiɛ pələ heei lɔiɠaa mɛ̨́i; lɔi kəlee kaa pai nwɔ kitii kaai; yai gáá pai gɛi, da ɲeei gáá pai gɛlɛi di hu.

Yálá laawoo hɛɓɛ

²¹ Gáá pai mąąwiɛ pələ heei lɔiɠaa mɛ̨́i; lɔi kəlee kaa pai nwɔ kitii kaai; yai gáá pai gɛi, da ɲeei gáá pai gɛlɛi di hu.

Bible

²¹ Yâwɛɛ è mò ǹyɛɛ, “Ŋa pâi ŋáfolo-laai lɛ̂i ǹɔii-ŋûŋ-ŋai kélee ma. À kɛ̀ tí, díkelee da pâi ŋáwala-wala laai kâai nyii ŋa gɛ̂i da berei ŋá díkula maa kɛ̀ lai.

Izikiɛ 39:21 Referans Kwoze

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 36:23

Gáá pai náá kɛnɛ̨ɛi ŋɛ̨i mąąhəɠə pələ lɛi; yai daa mąąliɓi nɔiɠaa hu. A náái tii ka mąąliɓi lɔiɠaa hui; lɔiɠaa kaa kɛa pai gbaɠala kaai, diɛ kɛ, ɲą́ą́ ɓə gáá a Yai-Laa. Mɛ̨nį kəlee ŋą Hééɓomun Yálá woo li. Ɓɛlɔwai gáá pai mą́ą́həɠə pələ lɛi la ká mąą mɛ̨nį hu, di ɲɛ̨i ɓa.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Izikiɛ 39:13

Nɔi hu lonnii kəlee ɓə pai di looi; diɛ di nwun dɛ ɉu a ɲələi tii gáá pai gbɔwɔ ɲɛ̨́i pɔ̨nɔ̨i la. Mɛ̨nį kəlee ŋą Hééɓomun Yálá woo li.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Samuɛlə dɔlɔɔ 6:9

Ka gaa nįŋɛ̨ɠaa da Israɛlə pələ həɠə diɛ li Bɛtə-Sɛmɛsə pələ, a kɛ tii, ya ka tii ɲee ə kɛ guɔ, kɛlaa, da wala ɉon a bələ, a kɛ tii, naa hvo kɛ gu wɔ laanɔ̨nwɔ̨i ŋɛ̨i hu.»

Samuɛlə dɔlɔɔ 5:11

Di Filisti tɔɔɓɛlaa təli, di di ŋąąkpɔn, diɛ diɛ: «Ka Israɛlə nwɔ Yálái ŋą kəhii pənə ka dɛɛ ɓɛi ə həɠə laa, yili hvo mą, kwa nwɔ́ lɔi hu nuą kəlee ku nwun na hvo pa pili.» Ɲɔw ə lɔ nɔi nuą kəlee hu, diɛ kɛ di haa, ɛlɛɛ, Yálá yee aa kɛ wiɛ di mɛ̨i kpɔ a nwalawalaa.

Samuɛlə dɔlɔɔ 5:7

Yili nąą kaai Asdɔdə nuą di mo, diɛ mą: «Mąą hvo nɛ̨ɛ̨li, Israɛlə nwɔ Yálái nwɔ mįnɛ̨ kəhi hvo lɛɛ ku pɔɔli. Mąąhɔlɔɓo, aa ɲee wiɛ ku mɛ̨i a mɔlɔɔ; kuɔ mąn, ku wɔ yálá Dagɔn mąn.»

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Lɛɛ gbɔwɔ ɓa 8:19

Mɛ̨nį nwąnąą ŋɛ̨i pai laai ə́ wɔ lɔi hu nuą diɛ, da hvo pai laai nwɔ́ nuąi diɛ. Tinąą ɓə yili kaa kɛi la.»

Mąątɛ̨nɛ̨ 32:4

Mąąhɔlɔɓo, hvóló da kpinį ə́ yee wiaai lɔ kɛ mɛ̨́i, ɲą́mą yɛ kpala ɉú, a hvoló laaɓoɔ hvóló kələn.

Mise 2:9

Kaa nwɔ́ lɔi hu nɛ̨ąą kəlee kulɔ di liiɓa pɛlɛ́ɠaa mu, mɛlɛi ŋį́ gɛ di lonnii diɛ, kaa gulɔ di yəi ɲali bulu hvo mą.

Mąątɛ̨nɛ̨ 94:10

Yai a lɔiɠaa hutɔɔ, hva pɛli mɔ̨ɔ̨ hutɔɔ kɛi? A Yai ti mɛ̨nį kɔ́lɔn gili tɛɛ nu pɔi!

Malasi 1:5

Kaa ŋɛ̨i a Israɛlə nu huwu, ká ɲɛ̨i kaa pai mɛ̨nį kaa, káá kɛ diɛ: ‹Yai-Laa aa nwɔ kɛnɛ̨laa lɛ, Israɛlə lɔi mɛ̨i!›»