Izikiɛ 39:18 - Yálá laawoo hɛɓɛ (dc)

¹⁸ Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.

Yálá laawoo hɛɓɛ

¹⁸ Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.

Bible

¹⁸ Da pâi wála-wala-ƃela sua miî dí gâloŋ-ŋai díkaa ǹɔii mai ŋãa kpéle yɛ̂ɛ núu ƃé a Basãŋ ƃala-sirɛ, ƃala-loŋ, ƃoli da niŋa lɛ́lɛɛ-ŋa pàa.

Izikiɛ 39:18 Referans Kwoze

Mąątɛ̨nɛ̨ 22:12

'Hvó ə́ mąąkwɛa kpɔ tii mą́ą́, hvó gaai, mɔ̨nɔ̨ aa lɛɠɛ mą́ą́, mą́ą́ kpɔnmąą ɓomun və mą.

Ɉeremi 51:40

Gáá lii a diɛ, diɛ di nwun dee, yɛ ɓɛlaa hilɛɠaa, yɛ ɓoluɠaa da ɓɛlaaɠaa.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

M̀ɛni-lɛɛi 19:21

Gbəliɠaai lɛɛ, niikpakpai tii kɛli kulɔ ɉoo mɛ̨imun na, ə di nwun na pili, nwɛ̨nįɠaa di pilɛ di powa hu.

Izikiɛ 34:17

«Ka wɛi, kaai a nwɔ́ taatɛlɛɛ kpului, mɛ̨nįi Mɛ̨nį kəlee ŋą Hééɓomun Yálá woo ka; yɛ: Gáá pai ɓɛlaa haaɠaa da ɓɛlaa haaɠaa di lɔwai mɛ̨nį ɓoi, gɛ́ ɓɛlaa hilɛɠaa da ɓoli hilɛɠaa di lɔwai mɛ̨nį ɓo.

Izikiɛ 34:8

Yii kpɔ gáá a vúlu, Mɛ̨nį kəlee ŋą Hééɓomun Yálá woo li; yii daa too nwɔ́ taatɛlɛɛ kpului hu, yii daa lɛɛ a lɔwɔ huwɔɠaa kɔ̨nɔ̨n, mąąhɔlɔɓo di laahɔn mo mun və kɛli mą, yii nwɔ́ taatɛlɛɛ pulu nuąi di hvo li li nwɔ́ taatɛlɛɛ kpului pulu diɛ gwɛli, kɛlaa daatɛlɛɛ pulu nuą diɛ di kpɔwɔ ɲąąkɔn, ɛlɛɛ, di hvo daatɛlɛɛ kpulu ɲąąkɔn ɉii;

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Azaya 34:7

Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Mąątɛ̨nɛ̨ 68:30

Tɔɔɓɛlaa daa pa, Ə́ wɔ tɔɔ pɛlɛ́i mąą pui, yai nwun nąŋąą Ɉerusalɛmə taa mɛ̨i.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Izikiɛ 39:19

Ka káá pai nu wulɔ mį́į́, kaa pilɛ ɉu; kaa ɲąmą kpələ, yɛ ka kɛlɛ; ɉaláái gɛ́ ŋį́ pa gulɔ kaai, ya ka tii.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.