Izikiɛ 38:11 - Yálá laawoo hɛɓɛ (dc)

¹¹ Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Yálá laawoo hɛɓɛ

¹¹ Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Bible

¹¹ Ya pâi gbɛtɛ̂i a gɛɛ íli íkɔ pɛ́lɛ ǹûai dîa nyii-ŋai díkaa lii sêe su dí taa-ŋai su nyii siɣaŋ fé tínaŋ ni dîa kpaa máŋ núu da fé naa é dí maa kɔ̃ɔi.

Izikiɛ 38:11 Referans Kwoze

Lomaŋ 3:15

Nu paa mɛ̨nį ɓə di kɔ́wɔ mąąhulaa ɉu.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Mąątɛ̨nɛ̨ 10:9

Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Nwun mąąɓo 18:27

Dan nuą di wɛi, yii kɛa Mika nwɔ hɛnŋaai ə bɛli, di ɉəɠə da nwɔ haláá laa hɛlimun kɛ ɲəi a nwɔ tímun, di həli Laisə daai, ɉu nuą di ɓo liilaa hu, di wəli pulu laɠiɛ, di di kəlee di paa, di nwɔ̨n nɔ daai.

Nwun mąąɓo 18:7

Ɉinąą lɔɔli tii də li, di həli Laisə. Di gaa diɛ nuą di kaa daai tii hu, di kaa liilaa hu, yɛ bələi Sidɔn nuą kaa la, di wəli pulu laɠiɛ, mɛ̨nį ta hvo kɛ di pulu, ɛlɛɛ nwɔ̨nɔ̨, di hvo tɔɔmun da yee mu, di mąą kwɛaa Sidɔn nuą diɛ.

Lɛɛ gbɔwɔ ɓa 15:9

Ku yowoɠaa di kɛ diɛ: «Ku kaa hvilɛn ɉii di pulu, ku di hon, ku kaa lii ku wɔ kɔ́ pulu hɛn ɉəɠəi, yɛ bələi ku kaa la bɔ, ku kaa ku wɔ kɔ́-kɔ ɓɔwai yalai daa hu, ku yee kaa pai pɛli diɛ.»

Izikiɛ 30:9

A mąą yələi ti; wɛlɛɛ ɓo nuą da həɠə ɓɛ, bɔ́ɔ́ li, diɛ li hiɛ kulɔi kələn ɉu; diɛ Nubi mąą kpɛlin; yai gaa laa, nwəli pulu laɠiɛ. Di mąą kaa pai kɛi kpɛlin ɉi a Eziptə ŋą yələi. A tɛ̨ą, ɲələ kaa pai.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Izikiɛ 38:14

Yili mąą mɛ̨nį ɓa, hulɔnu lon, gwə́i mɛ̨nį ɓo; 'kɛ́ Gɔgə ɓa: Mɛ̨nį kəlee ŋą Hééɓomun Yálá woo ka, yɛ: Ɲələi nwɔ́ nu huwui Israɛlə kaa pai kɛi la liilaa yɛnɛ̨ɛ̨ hu, gbaɠala hvo mɔ̨ɔ̨ pai kɛi yɛ́?

Dutɛrɔnome 12:10

Kɛlaa, ka káá pai Ɉurdɛn teen ɉii; ka li ka lɔ nɔi Yai-Laa ka wɔ Yálá aa dɛɛ ka pɔ a ka wɔɔ kaa hee ɉu. Gaa pai hvįįtɔɔ tɛɛ ka pɔ, ka yowoɠaa kpɔ tii ka hvanąi, yɛ di mąą kwɛa kaa. Ka káá pai kɛi laa a ka wəli pulu laɠiɛ.

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.