Bib sou entènèt

Izikiɛ 37:6 - Yálá laawoo hɛɓɛ (dc)

⁶ Gáá pai ka lanąɠaa laai ka hu, ŋą́ ka lúwú pɛlɛ mɛ̨i, ŋą́ kɔ́lɔ tɛ kaa, ŋą́ ká nɔ̨ɔ̨ too ka hu, ka kɛ a ka hvulú. Nąąlɔwai ɓə ka gili kɔ́lɔn na, kaa kɛ diɛ, ɲą́ą́ ɓə gáá a Yai-Laa.»

Gade chapit la Kopi

Yálá laawoo hɛɓɛ

⁶ Gáá pai ka lanąɠaa laai ka hu, ŋą́ ka lúwú pɛlɛ mɛ̨i, ŋą́ kɔ́lɔ tɛ kaa, ŋą́ ká nɔ̨ɔ̨ too ka hu, ka kɛ a ka hvulú. Nąąlɔwai ɓə ka gili kɔ́lɔn na, kaa kɛ diɛ, ɲą́ą́ ɓə gáá a Yai-Laa.»

Gade chapit la Kopi

Bible

⁶ Ŋa pâi gɛ̂i káluu é kɛ́ kâa, ŋama é kɛ́ kákponôi da kɔlɔ é tɛ́ kâa. Ŋa pâi gɛ̂i ká lɛ̂wo é tóo kákponôi ká kɛ́ ɣele ma. Gɛ̀ ní ká pâi gɔ̂lɔnii a gɛɛ Ńyãa ƃa Yâwɛɛ.” ’ ”

Gade chapit la Kopi

tounen moute ⬆

Izikiɛ 37:6
27 Referans Kwoze

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»

Izikiɛ 39:6

Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 35:12

Nąąlɔwai, yá gili kɔ́lɔn yɛ́ ɲą́ą́ ɓə gáá a Yai-Laa, ɛlɛɛ, nalanŋaai kpɔ ə́ bili a Israɛlə yeeɠaa ŋą́ gəlee mɛ̨n; ɓɛlɔwai ə́ kɛ la diɛ; nąą aa lɛɛ a lɔi pun, aa lɛɛ a ku kɔ̨nɔ̨n.

Izikiɛ 35:9

Ŋą́ ə́ kɛ a lɔi pun a yələ kəlee da nwɔɔ, ɛlɛɛ, nu ta hva kɛa hee ə wɔ taaɠaai hu. Nąąlɔwai ka gbaɠala kaa kaa diɛ ɲą́ą́ ɓə gáá a Yai-Laa.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Izikiɛ 39:28

Da gili kɔ́lɔn diɛ kɛ na tii diɛ kɛ; Hɛn gəlee Nąmu ɓaa a ɲą́ą́, di wɔ Yálá; mąąhɔlɔɓo, tɛ̨ą li, gáá pai lii a diɛ luwɔlaa hu, kɛlaa yili pulu, gáá pai pənəi ŋį́ di ɲąąkpɔn, di kpɔɔ kpɔɔ lɔi hu; vá di lɛɛ gɛɛ nąąi ti ɓa.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Izikiɛ 35:15

mąąhɔlɔɓo ə́ kwəinɛ̨ɛ̨ kulɔ, ɓɛlɔwai Israɛlə pɛlɛ́i ə lɛɛ la a lɔi pun, bələ ɓə gáá pai ə́ kɛi la; Seirə yee kaa pai lɛɛ a lɔi pun, da Edɔmə kəlee. Bələ ɓə ka gili kɔ́lɔn na, kaa diɛ ɲą́ą́ ɓə gáá a Yai-Laa.»

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 11:10

Ka káá pai haai a kɔ́ kɔ́ ɓɔwa laa pɔɔ, gáá pai ka kiti teei ɓɛ Israɛlə lɔi hu. Ɲələ ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Dutɛrɔnome 29:6

Yili pulu, ka həliɛ ɓɛ gɛɛnąą ŋɛ̨i ɓa, Hɛsbɔn tɔɔmun Sihɔn da Basan tɔɔmun Ogə, di pɛlɛ guɔ a kɔ́; gu yee ə tɛɛ diɛ.

Izikiɛ 32:15

Gáá pai Eziptə lɔi kɛi a lɔi pun, ɉɛnŋaai tii daa maa hvɛɛ, ŋą́ gəlee hukala, ŋą́ ɉu nuą kəlee kpɛɛ; da gili kɔ́lɔn nąąlɔwai, diɛ kɛ ɲą́ą́ ɓə gáá a Yai-Laa.»

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Mąątɛ̨nɛ̨ 104:30

Ya ə́ nɔ̨ɔ̨ too di hu, di di muhəɠə, Yɛ́ yɛnɛ̨ɛ̨ ɲɛ̨ilai mąąhvalin na.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Swiv nou:

Lyen patwone

Piblisite

Piblisite