Izikiɛ 37:4 - Yálá laawoo hɛɓɛ (dc)

⁴ Ə pənə yɛ mą́ą́: «Gwə́i mɛ̨nį hukulɔ nu kɔ́wɠaai ŋɛ̨i diɛ, yɛ́ diɛ: Nu kɔ́w kpalaɠaa, ka ka wəli tɔɔ Yai-Laa woo ɓa, yɛ:

Yálá laawoo hɛɓɛ

⁴ Ə pənə yɛ mą́ą́: «Gwə́i mɛ̨nį hukulɔ nu kɔ́wɠaai ŋɛ̨i diɛ, yɛ́ diɛ: Nu kɔ́w kpalaɠaa, ka ka wəli tɔɔ Yai-Laa woo ɓa, yɛ:

Bible

⁴ È mò ḿâ ǹyɛɛi, “Ɣâla-woo ƃó ǹúu-kao-ŋai ŋí dîa yɛ̂ɛi, ‘Oó núu-kao kpálaa-ŋa ka Yâwɛɛ wóo mɛ́ni.

Izikiɛ 37:4 Referans Kwoze

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Maafîu 21:21

Jesus ə di woo ŋąąpənə yɛ diɛ: «Gáá moi kaa a tɛ̨ą: akɛ laa na laa a kɛ ka yəi da ɲį́nɛ̨n-ɲį́nɛ̨n a wala kɛ ka hui, mɛ̨nį ŋɛ̨i ɲą́ą́ gɛ a mɔɔlaa wului ŋɛ̨i ka pɛli ɲɔ̨nwɔ mąn gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛ.

Izikiɛ 36:1

«Yɛ́i ɓaa hulɔnu lon, gwə́i mɛ̨nį hukulɔ Israɛlə yeeɠaa diɛ, 'kɛ diɛ; Israɛlə yeeɠaa, ka ka wəli tɔɔ Yai-Laa woo ɓa,

Ɉeremi 22:29

Ə́kə́ nwɔ́ lɔi! Nwɔ́ lɔi! Ə́ wəli tɔɔ Yai-Laa woo ɓa.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Lonon mo 20:8

«Ə́ wɔ tunwɔ̨n həɠə, ka ə́ liɛ Aarɔn ka nuą, ɲąąkpɔn, mo gwɛni kpuwulu ŋɛ̨i ɓa, ə ɉu yá tɛɛ ka pɔ. Ə kaa pai yá kulɔi gwɛni hu di mąą mɛ̨nį ɓa, ə́ yá tɛɛ nu kpulu pɔ da di wɔ taatɛlɛɛɠaai, diɛ di kpələ la.»

Tɔɔɓɛlaa dɔlɔɔ 13:2

Ə tomą ɉaláá kulɔi mɛ̨i, yɛ diɛ: «Haláá kulɔi yɛ́ ɓə! Mɛ̨nįi Yai-Laa kaa moi ə́ laa mɛ̨i, ya ka, yɛ diɛ: Lon ɉulɔnu ta kaa pai hɔlɔɓoi Davidə yəi bɛlɛ́n, diɛ kɛ mą: Ɉosiasə. Gaa pai ɉaláá laa həli nuą ŋɛ̨i ɉaliɠaa lííla, di kulɔi a haláá ɓɛ ɉaláá kulɔi. Diɛi tii kɛi lansan kələn ə́ mɛ̨i, di kaa pai nu kɔ́wɠaa kələn ɉii ə́ mɛ̨i.»

Azaya 42:18

Wəli wolo nuą, 'ka mɛ̨nį mɛ̨n! Ɲɛ̨ipu nuą, ka ka ɲɛ̨i hee, ɛlɛɛ ka kɛɛ kaa!

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»

Izikiɛ 37:9

Yai-Laa yɛ nwɔ̨nɔ̨ mą́ą́: «Hulɔnu lon! 'Mo nu nɔ̨ɔ̨ ɓa, 'mo mą, yɛ́ mą: ‹Nu nɔ̨ɔ̨! Mɛ̨nį kəlee ŋą Hééɓomun Yálá yɛ, ə́ həɠə lɔi wəlin na nąąn ɓa, 'ə́ pu nu powaɠaai ŋɛ̨i diɛ, di kaa pai kɛi a di hvulú.›»

Izikiɛ 37:12

Yili ɓə gaa mą, gwə́i mɛ̨nį hukulɔ diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ diɛ: Gáá pai ka kámąɠaa laa ɓoi, ŋą́ ka kulɔ laa, kaai ɓaa nwɔ́ nuąi, gáá pai pənəi ŋą́ pa a kaa Israɛlə lɔi hu.

Zôo 10:11

Ə́ núwu da gɔ́lɔ di tɛ mą́ą́. Yili pulu, ə́ gɔ́w da ną́na di kɛ ɉú.