Izikiɛ 37:1 - Yálá laawoo hɛɓɛ (dc)

¹ Yai-Laa yee ə yɛɛ mɛ̨́i, nwɔ Kilii ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Yálá laawoo hɛɓɛ

¹ Yai-Laa yee ə yɛɛ mɛ̨́i, nwɔ Nįį ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Bible

¹ Yâwɛɛ ŋɔmɔ̃lêŋ è pà ḿɛi é ŋ́ziɣe é lí a ńyãa é ŋ́zee diŋ-tiŋ su ƃɛ́i núu-kao támaa díkɛ̀ naai.

Izikiɛ 37:1 Referans Kwoze

Izikiɛ 3:22

Nąąlɔwai Yai-Laa yee ə kɛ lɔ nwɔ̨nɔ̨ mɛ̨́i; yɛ mą́ą́; «'Ə́ muhəɠə, 'li, ɲɛɛkɔwɔ hu, ŋą́ mɛ̨nį ɓo laa yɛ́.»

Gɛlaɠaa 8:39

Kulɔi di mo ɲái gu Ną́mu nwɔ Kilii ə Filipə həɠə ə li la, ɛlɛɛ, gbɛtɛgbuwului hvo kɛa ɲɛ̨i tɔɔ mą. Kɛlaa ə mą kɛ ti, gwɛi ə lɛɛ lɔ a nɛ̨ɛ̨ yɛ li.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.

Izikiɛ 1:3

Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,

Lukə 4:1

Jesus kulaa kɛa Ɉurdɛn hu, Kili-Mąąhəɠɛɛ ə naahvɛɛ. Kili ə ɉəɠə ə li la nɔi pun ɉu.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Ɉeremi 7:32

Yili ɓə gaa mą; Yai-Laa woo ka, yɛ diɛ: Yələ ta kaa pai ɉəlii, di hva kɛa kɛ diɛ «Tofɛtə» a wala kɛ tii «Bɛn-Hinɔmə ɓoloon», kɛlaa da kɛ mą: «Nu powa ɓoloon ɉu.» Naa ɓə di kaa pai kɛi nu powaɠaa looii laa, ɛlɛɛ la ɉu, nu looii hva kɛa kɛ mą.

Izikiɛ 11:24

Yálá nwɔ Kilii ə gbə́ŋə́ nwɔ̨nɔ̨, ə li a ɲą́ą́ Kalde, gɔ́luwɔɠaa pɔɔli, yili kəlee ə kɛ kwɛlɛɛn gɛɛkaa hu, a Yálá nwɔ Kilii kɛ mɛ̨nį. Yili pulu, gwɛlɛɛn gɛɛ tii ŋį́ kɛli gaa, ə həɠə ɲɛ̨́i.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Tɔɔɓɛlaa veelɛ 2:16

diɛ mą: «Ə́ ɲɛ̨i hee, hinąą liikpəlɛɛ pow lɔɔli kaa ɓɛ yɛ́ tínuą yəi, ku kaa di tɔɔi, di li di ə́ kalamɔ̨ɔ̨ kwɛli; mąąhɔlɔɓo, Yai-Laa nwɔ Kilii, ɉəɠəi ɲɛ̨i ə mo, a pɛli lííla ə doo yee ta tona, a wala kɛ tii, ɓoloon da hu. 'Hvaa mą, də li di gwɛli.» Elise yɛ diɛ: «Və́ kɛ li ka nu ta tɔɔ kɛɛnąą ta.»

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Ɉeremi 7:2

Tɔɔ Yai-Laa nwɔ pɛlɛ́i laaləi, ə́ nwoo ŋɛ̨i laa həli diɛ a lolo; yɛ diɛ: Ɉuda nuą! Kaai kpɔ ka lɔ bɛlɛ́ laaləi ŋɛ̨i ɓa, kaa kwɛli hvilɛn Yai-Laa ɓa; ka ka wəli tɔɔ!

Izikiɛ 37:2

Ə tɛɛ a ɲą́ą́ di lɔwai nąą kəlee, gu mɛ̨nį ɓo tɛ̨ą ɓa, di kpulu kɛnɛ̨ɛ kpɔ kɛ a mɔlɔɔ; ɛlɛɛ, di kpalaa kpɔ a nelee.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

Izikiɛ 8:1

Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.