Izikiɛ 36:10 - Yálá laawoo hɛɓɛ (dc)

¹⁰ Gáá pai nuą ɓuwu ɓoi ka mɛ̨i, ya ɓaa; Israɛlə pɛlɛ́ kəlee. Nuą da pənə di kɛ daaɠaa hu, diɛ daa kpoloonŋaa tɔɔ a nįnɛ̨.

Yálá laawoo hɛɓɛ

¹⁰ Gáá pai nuą ɓuwu ɓoi ka mɛ̨i, ya ɓaa; Israɛlə pɛlɛ́ kəlee. Nuą da pənə di kɛ daaɠaa hu, diɛ daa kpoloonŋaa tɔɔ a nįnɛ̨.

Bible

¹⁰ Ŋa pâi gɛ̂i káai a Eezuɛ-ŋai ká ƃûu ƃó, ká daa pîleŋ-ŋai tɔ́ɔ pôlu. Ka pâi ǹɔii pûŋ-ŋai kélee láa fɛ̂ɛi nyii-ŋai dí díwôloi.

Izikiɛ 36:10 Referans Kwoze

Izikiɛ 36:33

«Mɛ̨ni kəlee ŋą Hééɓomun Yálá woo ka, yɛ: Ɲələi gáá pai ka mąąhəɠəi la ka wɔ nɛ̨ŋɛ̨nŋaai kəlee yəi, ŋą́ pa a nu kan, ka wɔ taaɠaai hu; gɛ́ pənə gɛ́ daa kpoloonŋaa tɔɔ.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Azaya 61:4

Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Ɉeremi 31:24

Ɉuda da nwɔ taaɠaai kəlee, di kaa pai heei laa di kee pɔ; tíi kɛ mun da taatɛlɛɛ mɛ̨i kaa mun.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Izikiɛ 37:21

'Ə́ mo diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Gáá pai Israɛlə kulɔi lɔiɠaa lɔwai, ɓɛɠaai daa li laa; ŋą́ di kpɔn di kee ɓa di wɔ lɔi hu.

Izikiɛ 37:22

Gáá pai di kɛi a lɔi tɔ̨nɔ̨ nɔi hu; Israɛlə yeeɠaa mɛ̨i, tɔɔmun dɔ̨nɔ̨ lɔ ɓə pai kɛi di kəlee di nwun na. Di hvo kɛa pai kɛi a lɔi hveelɛ, dɔɔlaa hvo kɛa pai kɛi a mɛlaɓoɔ ɉu hveelɛ.

Izikiɛ 37:26

Kwa diɛni ku kaa pai liilaa mįnɛ̨ həɠəi, gáá pai di heei kulɔi, ŋą́ di ɓuwu ɓo; gáá pai nwɔ́ pɛlɛ́ mąąhəɠɛɛi tɔɔi di lɔwai yɛ lɛɛ laa a yələ kəlee da nwɔɔ.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.