Izikiɛ 34:23 - Yálá laawoo hɛɓɛ (dc)

²³ Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Yálá laawoo hɛɓɛ

²³ Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Bible

²³ Ǹyaŋ ŋa pâi ƃála-mɛi káa-nuu tɔnɔ seêi dímɛi nyii pâi kɛ̂i a ńyee mu-nuui Deeƃé ŋɔsuui su nuui da nyii pâi dí ŋáa kɔnîi. A pâi dímɛi kâai.

Izikiɛ 34:23 Referans Kwoze

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Mąątɛ̨nɛ̨ 89:49

Gbɛɛ ɓə a pɛli yɛnɛ̨ɛ̨ kɛi, hva haa, gbɛɛ a pɛli gbɔwɔ kulɔi ɲąmuą taa yeei?

Ɉeremi 3:15

Gɛ́ nííɓa nuą hee ka nwun na, di ka ɲąąkɔn, a kili mɛ̨nį, ə lɛɛ, a gbaɠala yɛ bələi gáá la bɔ.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Ɉeremi 33:14

Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Izikiɛ 34:13

Gáá pai gulɔi nu huwu takpɛliɠaa lɔwai, gɛ́ di kulɔ lɔiɠaa hu, gɛ́ di ɲąąkpɔn, gɛ́ pənə gɛ́ pa a diɛ di wɔ lɔi hu. Gáá pai di laa hɔnmoi lííla kala tiliin mɛ̨i, Israɛlə yeeɠaa nwuɔ̨, yee lɔwai lɔiɠaa hu; ɓɛɠaai kpɔ nu kaa laa nɔi hu.

Izikiɛ 34:15

Ɲą́ą́ gbínii, gáá pai kɛi nwɔ́ taatɛlɛɛi ɲąąkɔn ɉii, ɲą́ą́ gbínii, gáá pai bɛlɛ́i, Mɛ̨nį kəlee ŋą Hééɓomun Yálá woo li.

Izikiɛ 37:22

Gáá pai di kɛi a lɔi tɔ̨nɔ̨ nɔi hu; Israɛlə yeeɠaa mɛ̨i, tɔɔmun dɔ̨nɔ̨ lɔ ɓə pai kɛi di kəlee di nwun na. Di hvo kɛa pai kɛi a lɔi hveelɛ, dɔɔlaa hvo kɛa pai kɛi a mɛlaɓoɔ ɉu hveelɛ.

Mąątɛ̨nɛ̨ 78:71

ə kɛ taatɛlɛɛɠaa pulu, yɛ dəli, əgɛ a nwɔ nu huwui Ɉakɔbə, da ɉɔlɔɓo lɔi Israɛlə di ɲąąkɔnmun.