Izikiɛ 34:18 - Yálá laawoo hɛɓɛ (dc)

¹⁸ Akɛ ti, ka kala tiliin nɛlɛɛ mįi, yili hva mɔ̨ɔ̨ ka lii hon? Hvo kɛli nwɔ̨nɔ̨, ka gala tiliin gbəli kiin giin a ka kɔ́wɔ? Ka yá lɛlɛɛ kpələ, yili hva ka lii hon? Hvo kɛli ka gbəli nunú a ka kɔ́wɔ?

Yálá laawoo hɛɓɛ

¹⁸ Akɛ ti, ka kala tiliin nɛlɛɛ mįi, yili hva mɔ̨ɔ̨ ka lii hon? Hvo kɛli nwɔ̨nɔ̨, ka gala tiliin gbəli kiin giin a ka kɔ́wɔ? Ka yá lɛlɛɛ kpələ, yili hva ka lii hon? Hvo kɛli ka gbəli nunú a ka kɔ́wɔ?

Bible

¹⁸ Kálaa miɛɛ gala lɛ́lɛɛi ŋí ŋa fé lɛ́lɛ ní, ǹyaa ka dáŋ-nii a ká kɔ́ɔi? Ká kpeliɛɛ a yá-seɣeŋɔɔ fé lɛ́lɛ-ni ǹyaa ká ǹyái nunûi a kákɔɔ̂i?

Izikiɛ 34:18 Referans Kwoze

Lukə 11:52

«Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Samia Veerɛi 7:19

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ nwɔɔ tímun ŋą pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Lonon mo 16:9

Ka həɠəi ŋɛ̨i Yai-Laa ə mo Israɛlə lonnii lɔwai, yɛ hvaa mą kaa lɛɠɛ mą, kaa Yai-Laa nwɔ pɛ́lɛ́i mu kólóɠaa kɛ nɔi nuą kəlee mąą mɛ̨nį ɓa, yili hvo ka kulɔ li?

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 16:20

Ə́ ə́ lon ɉinąą, da ə́ lon nɛ̨ąą, a diɛi ti ə́ di káá mą́ą́; ə́ di həɠə yɛ di kɛ a haláá hɛn, mąąnįnįnŋą́ą́i ti diɛ. Dúwɔ pələ ɲɔ̨n gulaa tii hvo mɔ̨ɔ̨ kɛ ə́ lii hon?

Zɛnɛse 30:15

Lea yɛ mą: «Akɛtii, ə́ ɉílɛ kulɔ ɲə́i, yɛ́ nwɔ̨nɔ̨ ə́ nón nwɔ wulu ɓaɠaai həɠə?» Rasɛlə yɛ mą: «Akɛ yili kaa tii, gáá ɉulɔnu tɛɛi ə́ pɔ gbinį tɔ̨nɔ̨i ŋɛ̨i kuu mu, a ə́ lon nwɔ wulu ɓai mąąhvalin.»

Hanwon 25:26

Tələnmomun a too nwąnąlɔmun ɲɛ̨i ɓa, gaa yɛ da yá a nunu nwun gulɔi pələ, yɛ yálɔwa hu ya kalaa.

Izikiɛ 34:19

A kɛ ti, gala tiliin ka giin a ka kɔ́wɔi, ya ɓə nwɔ́ taatɛlɛɛɠaai kaa pai mįi, ɛlɛɛ, ɲai ka nunu, ya ɓə mąąnɛ̨ɛ̨ di gbələ.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.