Izikiɛ 32:2 - Yálá laawoo hɛɓɛ (dc)

² Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Yálá laawoo hɛɓɛ

² Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Bible

² “Núu-kpune ǹóŋ, ye malôŋ wɔ̀lɔ kɛ́ Ize kaloŋ mâ. Ye ŋ̀orɛ̂-wooi ŋí ƃó mà yɛ̂ɛi, ‘Í íkpîŋ kàa yɛ̂ɛ yala-sulu ǹɔii-ŋûŋ-ŋai sáma. Kɛ́lɛ íkaa yɛ̂ɛ yúo-zele-kali nyii gáa ǹyá lêei sui. Í ǹyái nùnu a íkɔɔ.

Izikiɛ 32:2 Referans Kwoze

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Izikiɛ 27:2

Hulɔnu lon, ə́ woo laa Tirə taa mɛ̨́i.

Izikiɛ 38:13

Saba, da Dedan, Tarsisə yɔw kɛ nuą, da ŋą yala lonnii kəlee, di kaa pai kɛi yɛ́: Ə́ pa lɔ kɔ-hon ɉon mɛ̨nį ɓa? Ɛ̨i, too mɛ̨i kɛ mɛ̨nį ɓə ə́ yɛ́ nu kpului ɲąą kpɔn na, wali da hɛni kulɔ mɛ̨nį ɓa nuą yəi? Taatɛlɛɛ da hɛngɔwɠaa həɠə mɛ̨nį ɓə? Kɔ́-hon gɛnɛ̨ həɠə mɛ̨nį ɓə?

Izikiɛ 34:18

Akɛ ti, ka kala tiliin nɛlɛɛ mįi, yili hva mɔ̨ɔ̨ ka lii hon? Hvo kɛli nwɔ̨nɔ̨, ka gala tiliin gbəli kiin giin a ka kɔ́wɔ? Ka yá lɛlɛɛ kpələ, yili hva ka lii hon? Hvo kɛli ka gbəli nunú a ka kɔ́wɔ?

Izikiɛ 32:16

Haa mɛ̨i wələ li, yai lɔiɠaa hu nɛ̨ɛ̨lɛa kaa pai kɛi dooi, diɛ doo Eziptə da nwɔ nu kpulu kɛnɛ̨ɛi di mɛ̨i. Mɛ̨nį kəlee ŋą Hééɓomun Yálá woo li.

Izikiɛ 28:12

«Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Izikiɛ 32:18

«Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Izikiɛ 27:32

Di kaa pai mąąwɛli wələ tooi ə́ mɛ̨i, di wɔ mɔ̨nɔ̨i hu, di wɔlɔ woo kaa a wələ, diɛ kɛ diɛ; gbɛɛ ɓə kɛ yɛ: Tirə! A gboloyá hu taa huwala walaai?

Ɉeremi 46:8

Eziptə ɓə gaa yɛ Nilə yá, yɛ hvɛɛ, yɛ tɛɛ yákpɛa kpɛa diɛ, ɲaɠaa diɛ huluun. Eziptə ə kɛi kɛ diɛ: «Gáá hvɛɛi, ŋą́ laa lɔi mɛ̨i, ŋą́ taaɠaa hukala, da di hu nuą.

Ɉeremi 9:18

Woo lawoo kaa tɔɔi Siɔn daai! «Diɛ kɛ: Ə́kə! Daa ku too ku kpowoɲɛi ɓa, nwumɛ̨ yɛ ə ku paa, mąąnɛ̨ɛ̨ ku kulɔ lɔi, daa ku wɔ pɛlɛ́ɠaa pu.»

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Zɛnɛse 49:9

Nón Ɉuda! Ə́ kaa yɛ yala a laŋą a nįnɛ̨, nón ɉulɔnu, aa həɠə loɉolaa kɛi! Aa pu nwungbəla, aa pɛlɛ yɛ yala, yɛ yala haa; gbɛɛ ɓə a pɛli muhəɠəi?

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Zôo 7:12

Gboloyá ɓa mɔ̨ɔ̨ a ɲą́ą́, a wala kɛ ti mąąɲɔw hɛn, yaai ə́ kaa mą́ą́hɛn ŋii ti kɛnɛ̨?

Hanwon 25:26

Tələnmomun a too nwąnąlɔmun ɲɛ̨i ɓa, gaa yɛ da yá a nunu nwun gulɔi pələ, yɛ yálɔwa hu ya kalaa.

Ɉeremi 46:7

Gbɛɛ gaa yɛ Nilə yá, yɛ hvɛɛ yɛ yáleeɠaa, yɛ huluun?

Izikiɛ 26:17

Di kaa pai kɛi wɔlɔi ə́ mɛ̨i, diɛ kɛ diɛ: Ə́ kulɔ pələ kɛ ləi yɛnɛ̨ɛ̨ lɔiɠaa lɔwai, gboloyá ɲą taa? Daa laa tɛɛi ti, yai da ɉu nuą di hvąŋą kɛnɛ̨ɛ kɛ gboloyá ɲą; a daa ti di kɛi ɲɔw mą kɛɛnąą kəlee.

Izikiɛ 29:15

A kɛ a lɔi ta kpɛliɠaa diɛ, ɛlɛɛ, hva kɛa tɔɔ lɔi ta kpɛliɠaa mɛ́i. Ŋą́ da kulɔ mą hvo pa kɛa hee lɔiɠaa mɛ̨i.

Zôo 41:23

A too yái, ɲá a nɛ̨n, yɛ da ɉee nwɔ̨n ŋą, nwəleen da nulu diɛ tɛ.

Hanwon 30:30

Yala ka, gaa a tɔɔmun huwɔɠaa lɔwai, hva pu hɛn nɔpee ta tɔwɔ.