Izikiɛ 32:18 - Yálá laawoo hɛɓɛ (dc)

¹⁸ «Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Yálá laawoo hɛɓɛ

¹⁸ «Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Bible

¹⁸ “Núu-kpune ǹóŋ, ye wɔ́lɔ Ize-ƃela mɛ̂ni ma. Ye dítɛɛ saa táa da ǹɔii-ŋuŋ wala-wala-ŋai.

Izikiɛ 32:18 Referans Kwoze

Izikiɛ 31:14

Yili ə kɛ tii, ə gɛ, wului lɔpee, ə mą kɛ gaa ya kwɛlɛ, hvo gbɔwɔ ɲąą kɛnɛ̨, nwun və hee tulɔ kpinįn ma; ə gɛ wulu ta lɔpee, ə mą kɛ daa ya pu mą a nɛlɛɛ, hvo nwun dɛ mɛlaa mɛ̨i. Mąąhɔlɔɓo, haa pɛ̨ɛ̨i gəlee nwuɔ̨, lɔi mu pələ lɔiɠaa hu, yɛnɛ̨ɛ̨ nuą lɔwai, a nuąi daa yɛɛ kámą hu.

Mise 1:8

Yili mąą mɛ̨nį ɓa, gáá wɔlɔi, gɛ́ gbóó təli! Gɛ́ hiɛ a gbúwúlú, kɔ́lɔ hvó gɔ́wɔ́ ŋą. Gɛ́ haa mɛ̨i wələ too, yɛ húluúɠaa da kɛi wɔlɔ, gɛ́ nwóólaa, yɛ wɔ́lɔ́ nwɛ̨ni.

Izikiɛ 32:16

Haa mɛ̨i wələ li, yai lɔiɠaa hu nɛ̨ɛ̨lɛa kaa pai kɛi dooi, diɛ doo Eziptə da nwɔ nu kpulu kɛnɛ̨ɛi di mɛ̨i. Mɛ̨nį kəlee ŋą Hééɓomun Yálá woo li.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Izikiɛ 31:16

Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,

Izikiɛ 26:20

Gáá pai ə́ yɛɛi kámą hu nuą pɔ, ə́ ɓo yɛ tɔwɔ tɔwɔ taa kpoloon, gɛ́ ə́ hee ɓoloon ɉu nuą pɔ. Yá kɛ kɛa a taa kpoloon tɔɔ hva kɛa kɛ mą, nu kanŋaa di wɔ lɔi mɛ̨i.

Azaya 16:9

Kwa Yazerə ku kaa wɔlɔi Sivma nwɔ viɲə yɛɛɠaa mɛ̨i, gáá ka yɔwɔi a ɲɛ̨́iyá, yɛ́, Hɛsbɔn ka Eleale; hvó gaai, ə́ wɔ mɔ̨nun dee kwəinɛ̨ɛ̨, da nɔɔ pɛli kwəinɛ̨ɛ̨, mąą aa hvalin a kɔ́ mɛ̨i woo.

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Izikiɛ 32:21

Kɔ́kulááɠaa di nwun nąmįną kaa pai kɛi pələ pilii mą, ɲąmuątaa; da di yee pɔ nuą. Kɛ̨nɛ kpolɔwaɠaa, diɛi tii haa a gɔ́ kɔ́ ɓɔwa laa pɔɔ. Daa yɛɛ, di kaa laani kámą hu.

Azaya 14:15

Gɛ pələ kaa ləi yai, yáá yɛɛ lɔi mu pələ, yáá yɛɛ kpɔ ɲɔ̨muątaa kpon ɉu.

Mąątɛ̨nɛ̨ 63:9

Ŋą kanąn yɛ́ a níi kəlee, Yɛ́n, yáá ə́ ɓa-mįi-yee too ɉú.

Mąątɛ̨nɛ̨ 30:9

Yai-Laa, ŋį́ ə́ toli, Gɛ́ Ną́mu mąąnɛ̨ɛ̨, gɛ́ kɛ:

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Izikiɛ 32:12

ŋą́ ə́ wɔ nu kpulu kɛnɛ̨ɛi too, a kɔ́kulááɠaa di wɔ kɔ́ kɔ́ ɓɔwa, lɔi ta hvo laa hvo ɲɔ̨n, hvo tɛɛ mą. Ɉɛn Eziptə a nwun dɛ ɉu, da ɉu kala, diɛ ɉu nuą kəlee paa.