Izikiɛ 32:15 - Yálá laawoo hɛɓɛ (dc)

¹⁵ Gáá pai Eziptə lɔi kɛi a lɔi pun, ɉɛnŋaai tii daa maa hvɛɛ, ŋą́ gəlee hukala, ŋą́ ɉu nuą kəlee kpɛɛ; da gili kɔ́lɔn nąąlɔwai, diɛ kɛ ɲą́ą́ ɓə gáá a Yai-Laa.»

Yálá laawoo hɛɓɛ

¹⁵ Gáá pai Eziptə lɔi kɛi a lɔi pun, ɉɛnŋaai tii daa maa hvɛɛ, ŋą́ gəlee hukala, ŋą́ ɉu nuą kəlee kpɛɛ; da gili kɔ́lɔn nąąlɔwai, diɛ kɛ ɲą́ą́ ɓə gáá a Yai-Laa.»

Bible

¹⁵ À kɛ̀ tí, ŋa pâi Ize lɔii lɛɛ̂i a bûŋ. Tãi ŋa pâi ǹaa sãai kélee siɣêi lai, ŋá ǹaa-ƃelai kélee páai, gɛ̀ ní, da pâi ŋ́gɔlɔnîi a gɛɛ ńyãa ƃa Yâwɛɛ.

Izikiɛ 32:15 Referans Kwoze

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Lɛɛ gbɔwɔ ɓa 14:18

Eziptə nuą kaa pai gɔlɔn ɉii diɛ ɲą́ą́ ɓə gáá a Yai-Laa, ɓɛlɔwai gáá pai nwɔ́ huwalawala laa mąąwiɛi lɛi la Eziptə tɔɔmun, nwɔ wotoloɠaai da ɉoo mɛ̨i nuą diɛ.»

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Izikiɛ 30:26

Gáá pai Eziptə nuą taɠa-taɠai lɔiɠaa lɔwai, ŋą́ di taɠa taɠa nuą lɔwai; nąąlɔwai, da gili kɔ́lɔn diɛ kɛ ɲą́ą́ ɓə gáá a Yai-Laa!»

Izikiɛ 29:12

Gáá pai Eziptə lɔi kɛi a lɔi pun, lɔi punŋaa lɔwai, nwɔ taaɠaai da kɛ a taai nu hva kɛ ɉu taa kpoloonŋąą lɔwai, kwɛlan bow nąąn ɲee mu; ɛlɛɛ, gáá pai Eziptə nuą taɠa taɠai lɔiɠaa hu; gáá pai di taɠai lɔiɠaa lɔwai.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Izikiɛ 30:19

Gáá pai nwóóɠaa pɔ mɛ̨nį kɛi Eziptə lɔi mɛ̨i, nąąlɔwai da gbaɠala kaa diɛ kɛ ɲą́ą́ ɓə gáá a Yai-Laa.»

Izikiɛ 32:14

Ŋą́ Eziptə tɛɛyáɠaa mąąyɛɛ, ɲaɠaa diɛ tɛɛ yɛ wulɔ. Mɛ̨nį kəlee ŋą Hééɓomun Yálá woo li.