Izikiɛ 30:8 - Yálá laawoo hɛɓɛ (dc)

⁸ Da gili kɔ́lɔn a mąą yələ diɛ kɛ Yai-Laa ɓaa a ɲą́ą́; a ɲələi ŋą́ nwɔ̨n doo la Eziptə lɔi hu, ɛlɛɛ nuąi kpɔ da kpɔnmąą tɛɛ bɔ gəlee hu ə wolo.

Yálá laawoo hɛɓɛ

⁸ Da gili kɔ́lɔn a mąą yələ diɛ kɛ Yai-Laa ɓaa a ɲą́ą́; a ɲələi ŋą́ nwɔ̨n doo la Eziptə lɔi hu, ɛlɛɛ nuąi kpɔ da kpɔnmąą tɛɛ bɔ gəlee hu ə wolo.

Bible

⁸ Tãi ŋa pâi ŋɔŋ toôi la Ize, ŋá ŋɔkpɔŋ mâ-ƃelai kélee yée-mɛi ɣâlei, m̀aa tãi ƃé da pâi gɔ̂lɔnii la a gɛɛ ńyãa ƃa Yâwɛɛ.

Izikiɛ 30:8 Referans Kwoze

Izikiɛ 29:6

«A mąą yələ Eziptə nuą kəlee da gili kɔ́lɔn, diɛ kɛ Yai-Laa ɓaa a ɲą́ą́; a diɛi tii kɛ a hveen gbaɠa, Israɛlə nwɔ pɛlɛ́i yɛ gilitɔɔ mą.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Amɔsə 1:12

Gáá pai nwɔ̨n dooi Tema daai, nwɔ̨n gaa pai Bɔsra taa nwɔ tɔɔ pɛlɛ́ɠaa kəlee kələn ɉii.

Amɔsə 1:10

Gáá pai nwɔ̨n dooi Tirə daa lee hu, nwɔ̨n tii kaa pai nwɔ tɔɔ pɛlɛ́ɠaa kəlee kələn ɉii.

Amɔsə 1:7

Gáá pai nwɔ̨n dooi Gaza daa lee hu, nwɔ̨n tii ə nwɔ tɔɔ pɛlɛ́ɠaai kəlee kələn.

Amɔsə 1:4

Gáá pai nwɔ̨n dooi Hazaɛlə yəi bɛlɛ́n Hazaɛlə nwɔ pɛlɛ́ kpɛa-kpɛai Bɛn-Hadadə kaa mąąkpɛi, gəlee diɛ kələn.

Izikiɛ 30:16

Ŋą́ nwɔ̨n bili Eziptə hu; Sin yɛ kpəlaan gbəlaan mɔ̨nɔ̨ yei; Tɛbɛsə hu yɛ ɓɛla; Mɛmfisə yɛ lɛɛ yai.

Izikiɛ 30:14

Gáá pai ɉɛɠɛɛ pələ lɔi hu woloi; gɛ́ nwɔ̨n bili Tanisə. Ŋą́ Tɛbɛsə kiti tee.

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Izikiɛ 29:9

Eziptə kaa pai kɛi a lɔi pun, a gboloon; bələ ɓə da gili kɔ́lɔn na, diɛ kɛ, Yai-Laa ɓaa a ɲą́ą́; hvó gaai ə kɛ diɛ: ‹Bɔ́ɔ́ ɓaa a Nilə; ɲą́ą́ ɓə naa.›

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Amɔsə 2:5

Yili ɓə gaa mą, gáá pai nwɔ̨n dooi Ɉuda lɔi hu, dɔɔ pɛlɛ́ɠaai di kaa Ɉerusalɛmə daai, nwɔ̨n tii a gəlee kələn.

Amɔsə 2:2

Yili ɓə gaa mą, gáá pai nwɔ̨n dooi Moabə lɔi hu, nwɔ̨n tii ə Keriyotə nwɔ tɔɔ pɛlɛ́ɠaai kəlee kələn; gɔ́ mɛ̨i woo da dulu wooɠaa hu, Moabə kaa pai lɛɛi gɔi tii hu.

Izikiɛ 28:26

Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Izikiɛ 28:24

«Nąąlɔwai, ɲąąlən va kɛa hee Israɛlə nwɔ pɛlɛ́i ɓa, ɓomodiliin hva kɛa gwənįn, nu ta hva kɛa kɛ gwɛlɛ, yɛ viiɓo, di kaa pai gili kɔ́lɔn ɉii tii, diɛ kɛ; ɲą́ą́ ɓə gáá a Yai-Laa.»

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Izikiɛ 39:6

Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.