Izikiɛ 30:5 - Yálá laawoo hɛɓɛ (dc)

⁵ Nubi, Putə, Ludə, Kuvə, nɔi huwu tamąąi kpɔ da diɛ ni di kaa ɓɛlan naa hu, da diɛ ni da too a kɔ́ kɔ́ ɓɔwa laa pɔɔ.

Yálá laawoo hɛɓɛ

⁵ Nubi, Putə, Ludə, Kuvə, nɔi huwu tamąąi kpɔ da diɛ ni di kaa ɓɛlan naa hu, da diɛ ni da too a kɔ́ kɔ́ ɓɔwa laa pɔɔ.

Bible

⁵ “ ‘Gɔ́i tí a pâi gɔ-kuluƃa-ŋai dí dífɛli Itiopia, Lebia, Lada, da Arebia é pɛ́lɛ Kuu da ǹûai nyii-ŋai kùla ŋánûai sámai kélee paâi.’ ”

Izikiɛ 30:5 Referans Kwoze

Ɉeremi 25:20

Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Izikiɛ 27:10

Pɛrsə lɔi, da Ludə, Putə nuą di kɛ ə́ wɔ kɔlaɠai hu, diɛ ɓə kɛ a ə́ wɔ kɔ́kulááɠaa, di nwuɔ̨ ɓɔlɔɠaa da di mąąkɔ̨nwɔ̨ kwɛli hɛnŋaa, ə́ pɔɔli ɓə di kɛi di laai kɛ laa, diɛ ɓə kɛ a ə́ hvaŋą.

Ɉeremi 25:24

Arabə tɔɔɓɛlaa kəlee, nu humɔɔɠaa di wɔ tɔɔɓɛlaa kəlee, diɛi tii heeni nɔi pun ɉu.

Ɉeremi 50:37

Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Azaya 20:4

Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Azaya 18:1

Kpalo ɓɛlaai yɛ́! Nubi yáɠaa kwɛlɛ lɔi, yá ɲą kələn ɉu tín a tɔɔ laa, yɛ kwɛlɛɛn goon ɉu tín.

Izikiɛ 38:5

Pɛrsə lɔi da Nubi da Putə, di kaa pai kɛi di pɔ. Ɓowa kwɛa da kɔ́ kɔ́ hə́mə di ɓo gəlee yəi.

Danîa 11:43

Gaa pai Eziptə lɔi hu hɛn gɔwɠaa həɠəi, yɛ pələi hɛni kaa la, wali da hɛnŋaa yii mɛlɛ kaa maa. Libi lɔi hu nuą da Etiopi lɔi hu nuą di kaa pai di mąąyɛɛi ɲee mu.

Kɔlɔnikɔ Veerɛi 12:3

Eziptə tɔɔmun ə pa a kɔ́ kɔ́ wotolo waa tɔ̨nɔ̨ pulu nwun veelɛ, hoo mɛ̨inuą waa pow mɛ̨ida, da nu kpulu kɛnɛ̨ɛ̨ lonon və kɛ mą; da diɛni di həɠə Eziptə, Libi, Suki da Nubi.

Sofoni 2:12

Kaa kpɛli, kaa ɓaa Nubi nuą, nwɔ́ ɓɔwai kaa pai ɓɔi ka hu,