Izikiɛ 30:21 - Yálá laawoo hɛɓɛ (dc)

²¹ «Hulɔnu lon, gáá Eziptə tɔɔmun Faraɔn yee yalii, di hva ɉali kɛ, di hvo pai hali pui laa naa yili mɛ̨nį ɓa; di hvo pai ɉali kɛi ə gɛ ɲee ə huwalawala hɔlɔɓo, yɛ pɛli kɔ́ kɔ́ ɓɔwa hon ɉii la.

Yálá laawoo hɛɓɛ

²¹ «Hulɔnu lon, gáá Eziptə tɔɔmun Faraɔn yee yalii, di hva ɉali kɛ, di hvo pai hali pui laa naa yili mɛ̨nį ɓa; di hvo pai ɉali kɛi ə gɛ ɲee ə huwalawala hɔlɔɓo, yɛ pɛli kɔ́ kɔ́ ɓɔwa hon ɉii la.

Bible

²¹ “Núu kpune ǹóŋ, ŋaâ nâa Ize kaloŋ yée mɛi ɣále. Ǹyaŋ núu da fé naa a gɛɛ é dɔɔ ŋ̀á a gɛɛ é kɛ́ a zu kpanaŋɔɔ nyii a pɔ̂ri ƃóa-sɔ̂kpɔ sonîi lai.

Izikiɛ 30:21 Referans Kwoze

Ɉeremi 46:11

'Tɛ Galaadə lɔi hu, ə́ ə́ hali kwɛli laa, yɛ́i ɓaa Eziptə nɛ̨ɛ̨gbɛla. Nwululaa tamąąi ə́ kaa gulɔi, gaa a kpɛli-kpɛli, wululaa ta hva pɛli ə́ ɓaloi.

Ɉeremi 30:13

Nu ta hvo ə́ mąą mɛ̨nį niihɛlɛn ɉeei, ə́ wɔ palai mąą mɛ̨nį hu. Hali hvo laa di hvo bu ŋą.

Ɉeremi 48:25

Hvaŋa lɔpee hvo kɛa Moabə hu, daa ɲee yali. Yai-Laa woo li.

Mąątɛ̨nɛ̨ 37:17

Mąąhɔlɔɓo, nɛ̨ŋɛ̨n ɉəɠə nuą yee kɔnwɔn ɉu kaa pai yalii, Kɛlaa, Yai-Laa a ɲee pu tələnmo nuą mu.

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Mąątɛ̨nɛ̨ 10:15

Nwąnąlɔmun, nwɔ nwąnąlɔ yeei hu yali, nwɔ nwąnąlɔlaa hvɛla tɛɛi bɔ, ə kwɛlɛɛn ə́ ɲɛ̨i mu, hvó kɛa gaa.

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

Nahumə 3:16

Ə́ wɔ lɔwɔ́tɔɔ nuąi tamąąi kɛ, di tɛɛ yələi pɛmɛ̨lɛ̨n gɔwɠaa diɛ; di kɛ yɛ peelə a kɛi koon.

Azaya 1:6

Ə həɠə ka nwuɔ̨, ə yɛɛ ka kɔ́wɔ ɓa, mɛ̨nį ta hvo kɛa a gɛ pələ, nąą kəlee kaa a pala hvaɠa kpidilin da pala kpɛa-kpɛa, nąą waamun və mą, di hvo ta hali kɛ li mą, di hvo ta wulɔ hiɛ li laa.

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Izikiɛ 39:3

Gɛ́ ə́ kɛlɛ, ə́ kɛɓɛyee yɛ kulɔ ə́ wɔ kilən ɓa; gɛ́ ə́ wɔ tɔ́nwąɠaai kulɔ ə́ ɓa-mįi-yee ɲą, gɛ́ di pu nɔi ɓa.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Tɔɔɓɛlaa veelɛ 24:7

Eziptə tɔɔmun hvo kɛa kulɔ nwɔ lɔi hu, mąąhɔlɔɓo, nɔiɠaa kpɔ kɛ Eziptə tɔɔmun ɲee mu, Babilonə tɔɔmun ə gəlee həɠə ɲəi. Ə həɠə Eziptə ɲa lee ŋɛ̨i a Nilə mą, ə həli la Eufratə ya ɓa.

Mąątɛ̨nɛ̨ 89:43

Yáá ɲowoɠaa hvaŋą tɛ, nuąi da kɛ kɔ́ pɛlɛi mą, yáá di kwəinɛ̨ɛ̨;