Izikiɛ 3:21 - Yálá laawoo hɛɓɛ (dc)

²¹ Kɛlɛɛ, ya tələnmomun gili ɲą pɔ̨nɔ̨, dələnmomun ti hvo pa nəi nɛ̨ŋɛ̨n ɉəɠə; ɛlɛɛ yaan hva nɛ̨ŋɛ̨n ɉəɠə, gaa pai lɛɛi yɛnɛ̨ɛ̨; mąąhɔlɔɓo di gili ɲą pɔ̨nɔ̨, yɛ́ kpɛlimąn, yá kulɔ ɉu nɛ̨ŋɛ̨kpɛlɛɛ.»

Yálá laawoo hɛɓɛ

²¹ Kɛlɛɛ, ya tələnmomun gili ɲą pɔ̨nɔ̨, dələnmomun ti hvo pa nəi nɛ̨ŋɛ̨n ɉəɠə; ɛlɛɛ yaan hva nɛ̨ŋɛ̨n ɉəɠə, gaa pai lɛɛi yɛnɛ̨ɛ̨; mąąhɔlɔɓo di gili ɲą pɔ̨nɔ̨, yɛ́ kpɛlimąn, yá kulɔ ɉu nɛ̨ŋɛ̨kpɛlɛɛ.»

Bible

²¹ Ǹyaŋ à kɛ̀ ya deniŋ ƃô nuui lia-woo ƃò é kpéra ŋɔsɔnyɔ̂ŋ mâ, a ŋ̀óli tɔ̀ɔ yâ vé sɔnyɔ̂ŋ kɛ́ ní, a pâi lɛɛ̂i ɣele ma. Kpɛ́ni fêi è ŋ̀óli tɔ̀ɔ ília-wooi ma. À kɛ̀ tí yá máŋ ya pâi lɛɛ̂i ɣele ma.”

Izikiɛ 3:21 Referans Kwoze

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Zĩi 5:20

ká gili ə pu ɉu káá, nui a pənə a nɛ̨ŋɛ̨n ɉəɠəmun vilɛn tɛ̨ą pələ mɛ̨i, a kɛ ti, aa mąą nu nwun mąąɓo, ɛlɛɛ, aa nɛ̨ŋɛ̨n gbulu tamąą waa.

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Korɛntə dɔlɔɔ 4:14

Və́ ɉɛɓɛ́i ŋɛ̨i tɛɛi káá, ka nwumɛ̨ mɛ̨nį ɓa, kɛlaa, ka kili ɲą pono mɛ̨nį ɓə, yɛ nwɛ́li kɛ mąą lonnii.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Hanwon 17:10

Mɛ̨nį toɔ kilimąą mun ma, dɔlɔ kaa mą, ə tɛɛ hvaɠa ɲąą nwun dɔ̨nɔ̨ kulaa kilikpɛɛgwəi mun ɉu, ɓa.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Korɛntə dɔlɔɔ 10:12

Yili ɓa, nui a giliŋąhiɛ yɛ gaa tɔɔni, ə gɛ a nɛlɛɛ, hvo pa too.

Izikiɛ 33:9

Kɛlaa, yá nu ɲɔ̨nwɔ̨ɔ̨ kilaa pɔ̨nɔ̨, ə gɛ ə həɠə nwɔ túwɔ pələ ɲɔ̨n bulu, a wala gɛ hvo həɠə bulu, a haa gɛ nɛ̨ŋɛ̨n mąą mɛ̨nį ɓa, kɛlaa ə́ wɛi, yá ə́ nii nwun mąąɓo.