Izikiɛ 3:18 - Yálá laawoo hɛɓɛ (dc)

¹⁸ Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Yálá laawoo hɛɓɛ

¹⁸ Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Bible

¹⁸ À kɛ̀ ŋa kɛ̀ ŋwana lɔ̂ɔ-nuu mà, ‘Ya pâi saa tí-ti ƃôi,’ ǹyaŋ à kɛ̀ ífe ǹia-wôoi ŋí ƃó ní m̀a a gbanaŋɔɔ, kpaa máŋ ífe mó ní mà a gɛɛ é kpéra ŋɔŋwana-lɔ̂ɔi ma, a gɛɛ é ŋɔfúlu-laai maa kɔ̃ɔ, m̀aa ŋwana-lɔɔ-nuui tí a pâi saâi ŋɔsɔnyɔ̂ŋ su. Kɛ́lɛ m̀aa mɛ̂ni a pâi lɛɛ̂i íŋûa.

Izikiɛ 3:18 Referans Kwoze

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Lukə 13:5

Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Ɉaan 8:21

Jesus ə mo nwɔ̨nɔ̨ diɛ, yɛ diɛ: «Gáá lii, ka káá pai gwɛ́lii, kɛlaa, ka káá pai haai ka kɛ nɛ̨ŋɛ̨n ɉu. Ɓɛi gáá lii laa, ka hva pɛli lii laa.»

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Lukə 13:3

Gáá moi kaa, kaa kpɛli, ka wala ka hɔn mąą hvalin, ka haa kpɔlɔɔ yɛ bələi tii di háálai.

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Tɔɔɓɛlaa veelɛ 1:4

Yili pulu, yɛ nwɔ̨nɔ̨ diɛ: Mɛ̨nii Yai-Laa kaa moi Israɛlə tɔɔmun ma, ya ka: ‹Gbin tii tɔɔmun laai ŋąi, hvo kɛa pai həɠəi laa, ɉaai lɔ li.›» Eli ə li, bələi di tí la, ə gɛ tii.

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Lonon mo 26:65

Mąąhɔlɔɓo, Yai-Laa ə mo yɛ di kaa pai haai nɔi pun ɉu. Ɛlɛɛ yaan, di ta lɔpee hvo kɛa kɛ yɛnɛ̨ɛ̨, ə kulɔ Yefunɛ lon Kalɛbə da Nun lon Ɉosue di pulu.

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Samuɛlə dɔlɔɔ 8:9

Yii hu, ə́ wəli tɔɔ di woo ɓa, kɛlaa, di kilaa pɔ̨nɔ̨, dɔɔmu tii pai di ɲąąwooɓoi, bələi gaa pai di hon ɉii la, bələ lɛ diɛ.»

Izikiɛ 33:12

«Hulɔnu lon, 'mo ə́ wɔ lɔi hu nuą diɛ, yɛ́ diɛ: Ɲələi tələnmomun a kulɔ la nwóó mu, nwɔ tələnmolaai hva kɛa malo; ɛlɛɛ, nu ɲɔ̨nwɔ̨ɔ̨ nwɔ túwɔ pələ ɲɔ̨n va nwun na pili, ɲələi a kpɛla la nwɔ mɛ̨nį ɲɔ̨n gɛɛ ɓa. Ɲələi tələnmomun a nɛ̨ŋɛ̨n ɉəɠə la, nwun mąą hvo pai ɓoi nwɔ tələnmo túwɔ tii tɔlɔɔ ə gɛ, mąą mɛ̨nį ɓa.